Jańa stansa bir jylǵa jeter-jetpes ýaqyt ishinde salynyp bitti. Qurylys jumystaryna 300-ge jýyq adam jumyldyrylǵan. Nysan oryn tepken 104 gektar aýmaqqa 120 myńnan astam kún paneli ornalastyryldy. Mamandardyń esebine súıensek, qýattylyǵy 40 MVt bolatyn kún elektr stansasy 70 myńnan astam turǵyny bar Balqash sııaqty bes qalany elektr energııasymen tolyqtaı qamtamasyz ete alady eken.
Aıta keterlik jaıt, Gúlshat kún elektr stansasy tolyqtaı shetel ınvestorlarynyń qarajatyna salyndy. Qurylys jumystaryna jáne qajetti qural-jabdyqtar alýǵa 46 mıllıon AQSh dollary kóleminde qarjy jumsalǵan.
Jyl saıyn 58 mln kV/saǵ astam elektr energııasyn óndiretin jańa nysandy iske qosý saltanatyna oblys ákimi Erlan Qoshanov pen Energetıka vıse-mınıstri Suńǵat Esimhanov jáne Eýropalyq Qaıta Qurý jáne damý bankiniń ókilderi, qazaqstandyq kún energetıkasy qaýymdastyǵynyń ókilderi, ardagerler, Balqash qalasynyń qurmetti azamattary, «Jasyl ekonomıka» baıqaýynyń jeńimpazdary qatysty.