Túrkistan oblysyndaǵy oblystyq mańyzy bar joldarda shamadan tys júk artqan jáne aýyr salmaqty júk kólikteriniń qozǵalysyn shekteýge qatysty reıdtik sharalar bastaldy. Bul týraly Túrkistan oblysy ákiminiń baspasóz qyzmeti habarlady.
Sharanyń maqsaty – avtomobıl joldarynyń sapasy men jol qaýipsizdigin saqtaý.
Oblys ákimdigimen bekitilgen is-sharaǵa sáıkes, sharaǵa oblystyq polısııa departamenti, transporttyq prokýratýra, oblystyq memlekettik kirister departamenti, Túrkistan oblysy boıynsha kóliktik baqylaý ınpeksııasy jáne oblystyq jolaýshylar kóligi jáne avtomobıl joldary basqarmasynyń qyzmetkerleri jumyldyryldy.
Qazyǵurt aýdanyndaǵy birkúndik reıdttik tekserý nátıjesinde 5 hattama toltyrylyp, zańdy buzǵan júrgizýshlerge aıyppul salyndy. Atalǵan reıdtik shara oblystyq joldarda jalǵasatyn bolady.