- 21 sáýir kúni Almaty qalasynda jyldyń eń dúbirli dodalarynyń biri - dzıýdo kúresinen jastar men jasóspirimder arasyndaǵy Qazaqstan Respýblıkasynyń dzıýdo federasııasynyń qurmetti prezıdenti Beketov Maxmut myrzaǵa arnalǵan Azııa Kýbogin sátti ótkizdik.
Saıystyń birinshi kúninde 6 memleketten 224 jasóspirim qatyssa, ekinshi kúni 186 jas sportshy baǵyn synady. Jarystyń qorytyndysy boıynsha QR jasóspirimder ulttyq quramasy 11 altyn, 10 kúmis jáne 20 qola utsa, jastar quramasy 14 salmaq dárejesinde 8 altyn, 8 kúmis jáne 16 qola júldelermen qorjynymyzdy toltyrdy.
Osylaısha jalpy komandalyq eseppen Qyrǵyzstan men О́zbekstannan oza túsip, 1 orynǵa ıe boldyq.
Kez kelgen jarystyń árbir sportshyǵa tıgizer áseri bolady. Ásirese xalyqaralyq jarystardyń aýqymy da, sapasy da, mańyzdylyǵy da joǵary dárejeli, sonymen qatar elimizdiń namysyn qorǵaıtyn jarys bolǵan soń, oǵan qatysar sportshynyń daıyndyǵy da sol deńgeıge sáıkes bolýy qajet. Sondyqtan daıyndyq mundaı jarystarǵa óte qarqyndy túrde ótkiziledi. Halyqaralyq jarystardyń mańyzdylyǵy - árbir sportshy ózin eliniń aldynda týyn kókke kóteretin azamaty retinde sezinip, sol maqsatqa jetý úshin baryn salatynynda dep bilemin.
Sondaı-aq QR tuńǵysh prezıdenti N.Á. Nazarbaevtyń 2019 jyldy "jastar jyly" dep jarııalaýyna oraı, jastar arasynda ótkiziletin is-sharalar (týrnırler) sımvoldyq sıpatqa ıe bolyp otyr. Sondyqtan bıylǵy jastar arasyndaǵy jarystardyń mańyzdylyǵy erekshe dep oılaımyn.
Jarysymyzǵa keler bolsaq, qatysýshylar arasynda buǵan deıin osyndaı jarystarǵa qatysyp, qatyspaǵany da bar. Bireý úshin alǵashqy, bireý úshin kezekti jeńis boldy. Jastar men jasópirimder úshin mundaı jarysqa qatysyp, odan oryn alýdyń ózi biz úshin maqtanysh qoı.
Bul jarystyń taǵy bir mańyzdylyǵy - qyrkúıektiń 25 men 29 aralyǵynda Almaty qalasynda ótetin jasóspirimder arasyndaǵy Álem chempıonatyna daıyndyq bolyp tabylýynda. Bul olardyń xalyqaralyq arenada basqan jemisti qadamdarynyń biri jáne bul tek qana bastamamyz. Shetelden kelgen sportshylardyń daıyndyǵy jaman emes. Boılarynan erekshe jeńiske degen úmit pen umtylys baıqaldy. Jaqsy daıyndyqpen kelgenderi de kórinip tur. Alaıda bul saıys bolǵan soń, árbiri óziniń daıyndyǵynyń sapasyn sol jarysta kórsetip, dáleldi.
Bul jarysty IJF kúntizbesine barlyq suraqtardy saraptaı otyryp, jastar men jasópirimder úshin mańyzdylyǵy joǵary jarystardyń biri bolǵan soń federasııa engizýdi jón kórdi. Osy oraıda, iri týrnırdi ótkizýge bildirgen senim úshin Halyqaralyq dzıýdo federasııasyna alǵysymyzdy bildiremiz, - deıdi Azamat Muqanov.