Konferensııaǵa Reseı Kitap palatasy men EAEO qatysýshy elderdiń Ulttyq kitap palatalarynyń, baspalardyń, kitap saýdasy uıymdarynyń basshylary, aqparattyq tehnologııalar, avtorlyq quqyq jáne zııatkerlik menshik salasyndaǵy mamandar, mınıstrlikterdiń, qoǵamdyq uıymdar men qorlardyń, kitaphanalar, bilim berý jáne ǵylymı qoǵamdastyqtardyń, salalyq baspasózdiń ókilderi qatysty.
Konferensııa Reseı men Eýrazııalyq ekonomıkalyq odaqqa qatysýshy elderdegi kitap baspalaryn damytýǵa, baspa jáne elektrondy ónimderdi taratýǵa arnalǵan. Halyqaralyq elektrondy formattar men derekter almasý standarttary negizinde korporatıvtik yntymaqtastyq júıesin qurýdaǵy biryńǵaı tásilderdi qalyptastyrýǵa, Reseı Kitap palatasy men Eýrazııalyq ekonomıkalyq odaqqa qatysýshy elderdiń Ulttyq kitap palatalary bazasynda avtorlyq shyǵarmalar men baspa ónimderiniń biryńǵaı aqparattyq alańyn qalyptastyrýǵa, sondaı-aq avtorlyq quqyqty saqtaý jáne zııatkerlik menshikti qorǵaý máselelerine erekshe nazar aýdaryldy.
Konferensııaǵa bizdiń tarapymyzdan Qazaqstan Respýblıkasy Mádenıet jáne sport mınıstrligi Til saıasaty komıteti tóraǵasynyń mindetin atqarýshy Ǵalymjan Meldeshov qatysyp, kitap shyǵarýdyń respýblıkamyzdaǵy ahýaly týraly baıandama jasady.
Ǵalymjan Meldeshov kitap shyǵarý salasyndaǵy memlekettik qoldaý túrlerine, atap aıtqanda, memlekettik tapsyrys boıynsha shyǵarylatyn kitaptardyń respýblıkalyq kitaphanalarǵa tegin taratylatyndyǵyna, avtorlardyń qalamaqysyn respýblıkalyq bıýdjetten tóleý arqyly olarǵa qoldaý kórsetiletindigine toqtaldy. Mundaı sharalar táýelsiz Qazaqstannyń zamanaýı shynaıy kelbetin jarııa etetin, óz halqynyń tarıhı ótkenine degen yqylastyq pen qurmet kórsetý arqyly Otanynyń keleshegine degen jańa kózqarasty qalyptastyryp, jastarǵa patrıottyq tárbıe berýdiń jańa ımpýlsi bolǵan joǵary sapaly kórkem ádebı shyǵarmalardy jasaýǵa yqpal etetindigin málimdedi.
Sondaı-aq Ǵalymjan Sársenbaıuly elimizdegi kitaphanalardyń biryńǵaı aqparattyq jelige biriktirilgenin jáne kitaphanalardyń biryńǵaı katalogy uıymdastyrylǵanyn, Qytaı, Túrkııa, Reseı, Fınlıandııa, Koreıa, Malaızııa jáne basqa da elderde qazaqstandyq ádebıet ortalyqtaryn ashý isin, kitaphana qoryna memorıaldyq kolleksııalardy, qoljazbalardy, qazaqstandyq ǵalymdardyń, qoǵam qaıratkerleriniń biregeı basylymdary men álemniń kóptegen tilderindegi álemdik ádebıettiń sırek basylymdaryn syıǵa berý boıynsha júrgizilgen biregeı aksııany atap ótti.
Kitap shyǵarý salasyndaǵy memlekettik saıasatty júzege asyrý boıynsha Qazaqstan Respýblıkasy Mádenıet jáne sport mınıstrligi atqaryp jatqan sharalary jónindegi Ǵ.S.Meldeshovtyń baıandamasy halyqaralyq konferensııaǵa qatysýshylardyń úlken qyzyǵýshylyǵyn týdyryp, atalǵan is-sharany uıymdastyrýshylar «Gıldııa knıjnıkov» KeS Prezıdenti Esenkın Borıs Semenovıch pen Baspasóz jáne buqaralyq kommýnıkasııalar boıynsha federaldy agenttiktiń Kitap kórmeleri jáne oqýdy nasıhattaý bóliminiń bastyǵy Voropaev Aleksandr Nıkolaevıchtiń tarapynan joǵary baǵalandy.