• RUB:
    6.68
  • USD:
    520.93
  • EUR:
    609.07
Basty saıtqa ótý
Sport 28 Sáýir, 2019

Kúres: Qolaǵa qaryq boldyq

1201 ret
kórsetildi

Qytaıdyń Sıan qalasynda ótip jatqan Azııa chempıonatynda keshe Qazaqstannyń bes birdeı grek-rım kúresi sheberi qola medal úshin talasty.

Sol jigitterimizdiń tórteýi jeńis tuǵyryna kóterildi. Atap aıtsaq, 55 kılo salmaqtaǵy Qorlan Jaqansha Ońtústik Koreıanyń ókili Djeon Hekjındi aıqyn basymydyqpen jeńdi. 77 kılo salmaqtaǵy Tamerlan Shadýkaev katarlyq Bahıta Sharıfa Badradan basym tústi. 87 kılo salmaqtaǵy Azamat Qustybaev tájikstandyq Tohırjon Ohonovtyń osal tusyn ońaı tapty. 130 kılo salmaqtaǵy Damır Kúzembaev úndistandyq Prem Premdi tas-talqanyn shyǵardy. Al 63 kılo salmaq dárejesinde kúsh synasqan Qudaıbergen Tursynov ırandyq Saman Morad Abdývalıden utylyp qaldy. Osylaısha, grek-rım kúresi sheberleri arasyndaǵy alǵashqy jarys kúni qolaǵa qaryq boldyq.  

Sondaı-aq, keshe Meırambek Aınaǵulov (60 kılo), Meıirjan Shermahanbet (67 kılo), Demeý Jadyraev (72 kılo), Maqsat Erejepov (82 kılo) jáne Álıhan Syzdyqov (97 kılo) syndf balýandar boz kilemge shyqty. Olardyń qalaı kúreskeni jaıynda gazetimizdiń kelesi sanynda baıandaımyz.

Sońǵy jańalyqtar