Qazirgi tańda Shardara aýdanynda №18 gaz taratý stansııasy salynyp jatyr. Qurylys jumystary 2017 jyly bastalǵan jobaǵa oblystyq bıýdjetten 2 mlrd 912 mln 634 myń teńge qaralǵan.
Joba júzege asyrylǵanda Shardara qalasy men 11 eldi meken kógildir otynǵa qol jetkizetin bolady.
Jalpy aýdanda 2023 jylǵa qaraı gaz máselesin 100 paıyz sheshý kózdelip otyr. Ázirge 3 eldi meken tabıǵı gazben tolyq qamtylǵan. Aýdandyq turǵyn úı - kommýnaldyq sharýashylyq, jolaýshylar kóligi avtomobıl joldary bóliminiń basshysy Erkebulan Karatýnovtyń aıtýynsha, qurylys jumystary kestege saı júrgizilýde. "О́tken jyly Dostyq, Sútkent, Qyzylqum, Aqaltyn, Egizqum aýyldaryna gaz qubyryn tartý jumystaryn bastadyq. Mundaǵy qurylys jumystary jospar boıynsha jyl sońyna deıin aıaqtalatyn bolady. Qazir salynyp jatqan stansııa da bıyl paıdalanýǵa beriledi dep kútilýde", deıdi bólim basshysy.