Bıyl erte kóktemde 1022 gektar alqaptan 35816 tonnaǵa jýyq qyryqqabat ónim alǵan Túrkistan oblysy Jetisaı aýdanynyń sharýalary 78 myń gektar egistik jerge egin ekti. Onyń 45 myń gektary maqta daqyly.
Sharýalar aýyl sharýashylyǵy jerlerin ártaraptandyrý maqsatynda sońǵy jyldary maqta egistiginiń kólemin edáýir azaıtýda. Iаǵnı, erte kóktemgi qyryqqabat, baklajan, balǵar buryshy sekildi daqyldardy ósirýge beıimdelýde. Bul óz kezeginde sáýir aıynyń ortasynda alǵashqy ónim alyp, paıda tabýǵa múmkindik beredi. Sondaı-aq bir jerden eki ret ónim alýǵa ózindik septigin tıgizedi. Búginde 178 myńnan astam halyq turatyn aýdanda maqta daqylynan bólek, baqsha, kókónis, jemis-jıdek jáne erte kóktemgi daqyldar ósiriledi.
Qazirdiń ózinde jetisaılyq sharýalar 15 myń gektarǵa jýyq egistik alqapqa aq altyn dánin seýip úlgerdi. Sondaı-aq aýdanda 13 myń 813 gektarǵa jýyq egistik jerge baqsha daqyldary egildi.