«Balameken» jobasy bastaldy

Qyzylorda oblysynda Tuńǵysh Prezıdenttiń tapsyrmasyn tııanaqty oryndaý úshin oblystaǵy baspanaǵa muqtaj kóp balaly otbasylardy anyqtaý maqsatynda jumys komıssııasy quryldy. Qazirgi tań­da komıssııa Qyzy­lor­da qa­la­­syndaǵy 150 otbasyn anyq­taǵan. Oblysta ótken jıynda kóp balaly otbasylardy tur­­­ǵyn úı­men qamtý úshin Bo­lat О́te­mu­ratov qory­nyń qaıy­­­rym­dy­lyq kómegi ese­­bi­nen tur­ǵyn úıdiń bir bóli­gin salý týraly má­sele talqy­lan­­dy. Sonyń nátıje­sin­de, jergi­lik­ti bıýdjet esebinen – 50 otbasy, qor esebinen, qalǵan 100 otbasy bas­panamen qamta­ma­syz etiledi.

Baspananyń 1 sharshy me­t­ri­­niń quny 70 myń teńgeni qu­­raı­dy. Kúzgi qara sýyqqa uryn­baý úshin turǵyn úı qurylysy 1 qyrkúıekke deıin aıaqtalady dep josparlanyp otyr. Osy maqsatqa baılanysty Bolat О́temuratov qory tarapynan turǵyn úılerdi salý boıynsha «Balameken» jobasynyń júzege asyrylýyna 450 mıllıon teńge bólinbek.

– Ákimdik óz tarapynan bar­lyq ınjenerlik ınfra­qu­ry­­lymdar – elektr, gaz, sý, telefon baılanysy men avtojoldar qurylysyn aıaqtaýǵa, sondaı-aq árbir úıge 6 sotyq jer telimin bólýge kepildik beredi, – deıdi oblys ákimi Qyrymbek Kósherbaev.

Búginde oblys boıynsha tur­ǵyn úıge muqtaj azamattar sany – 27 906 adam. Onyń ishinde halyqtyń áleýmettik jaǵy­nan osal toptary sanaty boıynsha 14 074 adam kezekte tur, olardyń 2038-i – kóp bala­ly otbasy.

Qyzylorda oblysynyń kóp ba­la­ly jáne áleýmettik ja­ǵy­­­nan az qorǵalǵan otba­­sy­­lar­ǵa úı salyp berý tá­jirıbesi Premer-Mı­nıs­tr Asqar Mamın­niń jumys ke­ńesinde keńinen talqy­lan­ǵanyn aıta kete­ıik. Res­pýb­lıkada bes jyl ishinde 28 myń páter berý kóz­de­lýde. Naryq jaǵdaıynda kóz­­siz táýekelge barý ońaı emes. Mundaıda úı berýdiń eń tıimdi tetikteri paıdalanyl­ýy kerek. Premer-Mınıstr A.Mamın áleýmettik jaǵynan az qorǵalǵan otbasylarǵa Qyzylorda oblysynyń oń tá­jirı­besin paıdalanýdy tap­syr­dy.

Jaqsydan úırený – ta­bys­­qa jetýdiń kilti. Qalaı bol­ǵan­da da, Qazaqstanda úısiz-kúısiz júrgen otbasy­lar pátermen qamtylýy kerek. Qaıyrymdy jandar kómek­tesip jatqa­ny­men, úıge qoly jetken áleý­met­tik jaǵ­da­ıy tómen otbasylar sanaý­ly ǵana. Endi osy mem­le­ket­tik baǵdarlamalar tıim­di jumys istese, 30 myńǵa jýyq otbasynyń keýdesinde erteńge degen senim nyǵaıady. Al bul – úlken qýa­nysh.

Qyzylorda oblysy