Dóńgelek ústelge orys tildi oqyrmandar da atsalysty. Roman taqyrybyn ıgergen oqyrmandar kezegi kelgende árqaısysy ózi jetik meńgergen tilde óz oılaryn ortaǵa salyp otyrdy. Degenmen, shara barysynda ana tilge degen qurmet aıryqsha ańǵarylyp turdy. Roman – Aqsaq Temirdiń bolmysyn ashýǵa arnalǵandyqtan, ótken tarıhymyz Elbasy N.Nazarbaevtyń «Uly dalanyń jeti qyry» atty maqalasynyń taqyrybymen de úılesim tapty.
Shara bastamasynda magıstrant Gúlvıra Muqanbaeva «Bir el – bir kitap» aksııasynyń tarıhyna jalpy sholý jasady. Bul jobanyń AQSh-ta kezinde óte tanymal bolǵandyǵy, bir kitapty jalpy qala bolyp oqý ıdeıasy AQSh-tyń soltústik-batysynda, Vashıngton shtatyna qarasty – Sıetl kópshilik kitaphanasynyń kitap ortalyǵy tarapynan usynylǵandyǵy jóninde aıtyp berdi. Odan ári «Meniń jolym» atty sóıleıtin gazet pen «RBNSG – VESTI» jýrnalynyń redaktory, aqyn Nurlan Ábdibekov is-sharanyń maqsaty men jazýshynyń qaıtalanbas ózindik erekshelikteri týraly kirispe sózben bastap, odan ári dóńgelek ústeldi júrgizýdi óz qolyna aldy. Ol jazýshynyń romandy jazýdaǵy stıldik erekshelikterine toqtaldy. Aldymen romannyń tarıhılyǵy máselesi qozǵaldy. Romandy taldaı otyryp Ámirshiniń tarıhı tulǵa retinde naqty derekterdi mysalǵa keltire, onyń naqty ómirbaıany sóz boldy. Bul aqparat kórkem shyǵarma keıipkeri men ómirde bolyp ótken tulǵanyń arasyndaǵy baılanystar týraly oqyrmandarǵa jan-jaqty túsinik berdi. Sonymen qatar Ábishtiń obrazdardy ashýdaǵy fılosofııalyq oı tolǵamdary da nazardan tys qalmady. Sondaı-aq, tereń psıhologııalyq tebirenisterge qurylǵan keıipkerler beınesin somdaýdaǵy jazýshy sheberligi de kitaptan mysal keltirile otyrylyp taldandy.
Sharada belgili aqyn Zeınolla Tileýjanuly, Qyzdar ulttyq pedagogıka ýnıversıtetiniń mýzyka pániniń oqytýshysy, zaǵıp azamat, professor Medelhan Qonysbaev, zaǵıp aqyn Ábethan Toqtaǵandar jazýshy týraly estelikter aıtyp, is-sharaǵa kelgen qonaqtardyń sonshalyqty bir jyly qabyldaýyna sebepshi bolyp otyrdy. Olar da jazýshynyń ómiri men shyǵarmashylyǵyna keńinen toqtaldy. Basty keıipker Ámirshiniń kishi hanymyna ǵashyq bolǵan ortóbelik sheberdiń sezimi men mahabbaty ózi soqqan munarada beınelenedi. Mahabbat munarasy joryqtan qaıtqan Ámirshiniń kózine ottaı basylady. Sheber hanymǵa óziniń sezimin munara arqyly bildirgeni úshin aýyr jazalanady.
Sonymen qatar jazýshy Á.Kekilbaevtyń ózge de kitaptary jóninde jáne teńdessiz shyǵarmashylyq jumysyna tánti bolǵan kitaphananyń zaǵıp oqyrmandary V.V. Ivanovskıı, I.M. Rzahýnovna óz oılaryn ortaǵa salyp, sóz sóıledi.
Shara sońynda kitaphana dırektory A.Baıuzaqov «Bir el – bir kitap» respýblıkalyq aksııasy aıasynda qazaq ádebıetindegi qundy týyndylardy nasıhattaý, jastarǵa rýhanı-patrıottyq tárbıe berý, oqyrmandardy kitaphanaǵa tartý jáne kórkem ádebıet oqýǵa baýlý maqsatynda ártúrli jumys túrlerin qoldaný kerek ekendigin atap ótti.
Saparbaı PARMANQUL, «Egemen Qazaqstan»
ALMATY