Ulttyq banktiń qaıta uıymdastyrylýy nátıjesinde Qarjy naryqtaryn retteý jáne damytý jónindegi agenttik qurylatyn boldy.
«Jańa agenttik Ulttyq bankti qaıta uıymdastyrý esebinen qurylady. Jańa organǵa Ulttyq bankten ókilettik beriledi. Biz fýnksııalaryn, ókilettigi men shtatyn zań jobasynda qarastyrdyq. Agenttikke qazirgi shtattan 500 adam beriledi. Qarjy mınıstrligimen birge bul jumysty mamyr-maýsym aılarynyń ortasyna deıin aıaqtaǵaly otyrmyz», dedi Erbolat Dosaev.
Jańa organǵa qarjy naryǵyn damytý jáne retteý fýnksııalary, sondaı-aq tutynýshy quqyǵyn qorǵaý mindetteri júkteledi. Ol Qazaqstan Respýblıkasynyń Prezıdentine esep berýge mindetti bolady.
Qarjy naryǵyn retteý men damytý máseleleri týraly zań jobasy boıynsha jańa organ 2020 jyldyń basynda jumysyn bastaıdy. Erbolat Dosaevtyń aıtýynsha, jańa agenttik Almatyda bolady. Ulttyq bank keleshekte Nur-Sultan qalasyna kóshiriledi.
Ulttyq bank aqsha-nesıe saıasatynyń tıimdi júrgizýmen jáne ınflıasııany baqylaý sharalaryn qadaǵalaý jumystarymen aınalysady.