IýNESKO-nyń bilim berý jónindegi Azııa-Tynyq muhıty О́ńirlik bıýrosy (IýNESKO Bangkok) men IýNESKO-nyń Almatydaǵy klasterlik bıýrosy Azııa-Tynyq muhıty óńirinde ınternasıonaldandyrý saıasaty men tájirıbesine arnalǵan aımaqtyq forýmda Ortalyq Azııa ýnıversıtetterinen, sondaı-aq Eýropa men Azııa-Tynyq muhıty aımaǵynan kelgen sarapshylar jahandyq úderis jaǵdaıyndaǵy joǵary bilimdi damytý taqyrybyn qozǵady.
IýNESKO BUU-nyń joǵary bilim berý salasyndaǵy jumys mandaty bar agenttigi retinde halyqaralyq yntymaqtastyqty nyǵaıtýdaǵy jumystaryna toqtalǵan Almatydaǵy Iýnesko Klasterlik bıýrosynyń dırektory Krısta Pıkatt aımaq elderiniń bilim salasyndaǵy birlesken qadamdarynyń mańyzdylyǵyna toqtalyp ótti.
2015 jyly 17 Turaqty damý maqsattaryn qabyldaǵan BUU múshe memleketteri 2030 jylǵa qaraı barlyq áıelder men erlerdiń qoljetimdi ári sapaly kásiptik-tehnıkalyq, sondaı-aq joǵary bilim alý múmkindikterin qarastyra otyryp, ınternasıonaldandyrý baǵytyndaǵy sharalarǵa basymdyq beredi.
Qazaqstan Respýblıkasynyń Bilim jáne ǵylym mınıstrligi Bolon prosesi jáne akademııalyq utqyrlyq ortalyǵynyń dırektory Almagúl Qultýmanova ınternasııalandyrý úderisi qazaqstandyq oqý oryndaryna zamanaýı jetistiktermen almasýǵa múmkindik beredi deıdi. Balon konvensııasy aıasynda sońǵy 8 jylda 14 myń stýdent Eýropanyń joǵary oqý oryndarynda akademııalyq bilimin jetildirse, bul baǵytta memleket tarapynan jylyna 600 oryn bólinip, qazaqstandyq stýdentterdiń shetelderde akademııalyq bilimin shyńdaý múmkindigi qarastyrylǵan. Sondaı-aq sheteldik stýdentterdiń de Qazaqstanda bilim alý baǵdarlamalary júzege asýda. Bıylǵy jyly 160 orynǵa stıpendııalyq grant bólinip, onyń ishinde etnıkalyq qazaqtardyń da elge kelip oqýyna keńinen jol ashylyp otyr. Al elimizdiń joǵary oqý oryndarynda jumys istep jatqan 25 top-menedjerler basqarý júıesi boıynsha tájirıbe almasýda. Sala mamandary ınternasııalandyrý úrdisi zamanaýı tehnologııalardy ıgerýge, qazaqstandyq joǵary oqý oryndarynyń oqý baǵdarlamasynda jańa mazmun, tyń ózgerister engizýge múmkindik beretindigin quptady.
HHI ǵasyr talabyna sáıkes kásibı bilim berý, aqparattyq tehnologııalardy meńgerý, zamanaýı oqý baǵdarlamalaryn jetildirýdiń aımaq elderi úshin mańyzdy ekendigine toqtalǵan IýNESKO Almaty qalasy boıynsha halyqaralyq baǵdarlama boıynsha mamany Lına Beneteniń aıtýynsha, Eýropadaǵy Lıssabon konvensııasy jáne Tokıo Konvensııasy sheńberinde sapany qamtamasyz etý, biliktilikti arttyrýdaǵy baılanystardy nyǵaıtý yqpaldastyq pen transshekaralyq utqyrlyqty damytýdyń kepili.
Joǵary bilimdi ınternasııalandyrý jáne ınstıtýsıonaldyq sıpattaǵy tájirıbelerimen bólisip, qazaqstandyq bilim berý júıesin Aýǵanstan, Úndistan, Qytaı, Túrkııa, Pákistan, Egıpet, Reseı jáne basqa elder úshin jobalaý-bilim berý habyna aınaldyrý baǵytyndaǵy máselelerdi talqylaǵan halyqaralyq sarapshylar, erekshe bilim berý qajettilikteri bar stýdentter úshin teń jaǵdaı jasaý, qashyqtyqtan bilim berý tehnologııalaryn ıgerý baǵytyndaǵy máselelerge de nazar aýdardy.
ALMATY