Osy kúnge deıin 11 ret aıqas alańyna shyǵyp, barlyǵynda jeńiske jetken jerlesimiz 30 naýryzda Almatyda ótken týrnırde reseılik Danıla Prıkazany ekinshi raýndta tehnıkalyq nokaýtpen utyp, aıtýly nusqanyń altyn belbeýin ıelengen edi. Endi Shavqat óz ataǵyn qorǵaý úshin kúsh synasady.
Nur-Sultandaǵy jarysta Rahmonov brazılııalyq Tıago Varejaomen aıqasady. Ol óte tájirıbeli sportshy. Ońtústik Amerıkadan keletin oǵlan osy kúnge deıin 34 kezdesý ótkizip, 27 márte jeńiske jetti. Onyń 22-isinde aıqyn basymdyq tanytty. 6 ret utylyp, taǵy bir báseke teń aıaqtaldy.
Shavqat Rahmonov úshin osy jekpe-jekte jeńiske jetý óte mańyzdy. Eger jerlesimiz úshin báseke oıdaǵydaı aıaqtalatyn bolsa, onda oǵan eń áıgili promoýshen – UFC-ge dańǵyl jol ashylady.