Elbasynyń bes áleýmettik bastamasy aıasynda jyl saıyn bólinetin 54 myń grantqa qosymsha 2018-2019 oqý jylynda taǵy 20 myń grant bólindi. Onyń 11 myńy tehnıkalyq mamandyqtar boıynsha bakalavrlyq bilim berýge tıesili. Bul tórtinshi ónerkásiptik revolıýsııa jaǵdaıyndaǵy jańa ekonomıkada zor suranysqa ıe bolatyn myńdaǵan jańa mamandy daıarlaýǵa múmkindik beredi. Iаǵnı, ınjenerler, aqparattyq tehnologııa, robot tehnıkasy, nanotehnologııa salasyna qajetti mamandar daıarlanady.
Bul – jastarǵa jasalǵan memleket qamqorlyǵynyń aıqyn kórinisi. Sonymen birge tehnıkalyq jáne aýyl sharýashylyǵy mamandyqtary boıynsha barlyq joǵary oqý oryndary granttarynyń quny ulttyq joǵary oqý oryndarynyń granttary deńgeıine deıin kóterildi.
Oblystyq bilim salasyn baqylaý departamentiniń basshysy Erlan Qarabalaevtyń aıtýynsha, ótken jyldyń I jartyjyldyǵynda 4 tehnıkalyq jáne kásiptik bilim berý, 11 jalpy orta bilim berý jáne 5 mektepke deıingi bilim berý uıymdaryna ishinara tekserý júrgizilgen. Tekserý qorytyndysymen barlyq 20 bilim berý uıymyna ákimshilik is qozǵalyp, ákimshilik aıyppuldar salyndy. Sonymen qatar atalǵan bilim uıymdarynyń qorytyndy aktilerindegi málimetter ulttyq bilim berý derekter qoryna engizilgen málimettermen sáıkestendirildi. Basqosýda oblystaǵy orta mektep jáne joǵary jáne orta arnaýly oqý oryndary jetekshileri de atqarylǵan jumystardy jan-jaqty baıandady.
– Sońǵy eki jylda oblys ákimdiginiń qoldaýymen 6 kolledjdiń oqý ǵımarattary, oqý-óndiristik sheberhanalary men jataqhanalaryna kúrdeli, aǵymdaǵy jóndeý jumystary júrgizilip, paıdalanýǵa berildi. Aǵymdaǵy jyly jergilikti bıýdjet qarjysy esebinen 429 mln teńgege Qarmaqshy aýdanyndaǵy agrarly-tehnıkalyq kolledjiniń jataqhanasyna kúrdeli jóndeý jumystary júrgizilmek. Jalpy, jataqhanaǵa qajettilik 1375 oryndy ǵana qurap otyr, – dedi oblystyq bilim basqarmasynyń basshysy Maıra Meldebekova.
Búginde, oblysta 10772 stýdent bilim alyp otyrǵan 3 joǵary oqý orny, 20985 stýdenti bar 29 kolledj jumys isteıdi. Sonyń ishinde 11 kolledjdiń stýdentterine 1375 oryndy qamtıtyn jáne Qyzylorda medısınalyq joǵary kolledjine qosymsha 1 jataqhanaǵa qajet.
– Jalpy, 2018-2019 oqý jyly boıynsha ýnıversıtettiń kúndizgi bóliminde 3345 stýdent bilim alady. Onyń 607-si granttyq negizde oqıdy. Oblys ákiminiń granty boıynsha 361 stýdent bilim alýda. Bul grant óńirdegi bilim, ekonomıka, mádenıet, elektrenergetıkasy, aqparattyq júıeler jáne taǵy basqa salalardy kadrlyq áleýetpen qamtamasyz etý maqsatynda suranysqa ıe mamandyqtarǵa bólinip otyr, – dedi Qorqyt ata atyndaǵy Qyzylorda memlekettik ýnıversıteti rektory Baqytjan Ábdikárimov.
Qyzylorda oblysy