Medıa forýmnyń arnaýly meımany - Armenııa prezıdenti Armen Sarkısıanmen kezdesý barysynda ekijaqty yntymaqtastyqty odan ári nyǵaıtý máseleleri talqylandy.
Taraptar Parlament Senaty men Armenııa Ulttyq Jınalysynyń dostyq tobynyń depýtattary arasynda taıaýda bolǵan kezdesýdiń mańyzdylyǵyn atap ótti, onda eki eldiń zań shyǵarý organdary arasyndaǵy ózara is-qımyldy tereńdetý týraly ýaǵdalastyqqa qol jetken bolatyn.
Armenııa prezıdenti iri halyqaralyq medıa qurylymdardyń ókilderi men álemdik deńgeıdegi sarapshylar bas qosatyn Eýrazııalyq medıa forýmnyń áleýeti zor ekenin atap ótti. Qazirgi ýaqytta forýmǵa 60 elden 500-den astam delegat qatysyp keledi. «Búgingi álem – deglobalızasııa úderisterin, tutyný daǵdarysyn, medıa-salany sıfrlandyrý, sondaı-aq jańa tehnologııalar men jasandy ıntellektpen ushtasqan damý múmkindikteri men syn-qaterlerdi talqylaý» bıylǵy jylǵy forýmnyń taqyrybyna aınalyp otyr.
Euronewstiń áriptestik jáne ártaraptandyrý jónindegi aǵa vıse-prezıdenti K. Oıkonomýmen kezdesý barysynda EAMF pikirsaıystarynyń mańyzy men onyń ósip kele jatqan bedeli atap kórsetildi.
«Biz ashyq pikirlesý ymyrasyz ustanymdardy jaqyndastyrýdy, ózara túsinistik pen tózimdilikke yqpal etýin, ortaq máselelerdi sheshý úshin kúsh-jigerdi biriktirýdi qalaımyz», - dedi Eýrazııalyq medıa forým Uıymdastyrý komıtetiniń tóraǵasy Darıǵa Nazarbaeva.