– Sabaqtar polıgonda jáne qala ishinde ótkizilýde. Baıqaý Almaty jáne Jambyl oblystarynyń aýmaǵynda ótýde jáne 4 kezeńnen turady. Mátibulaq polıgonynda taýly atqyshtar praktıkalyq oq atýlar men jaralyny tasymaldaý arnaıy tapsyrmasymen qarsylastyń nysandaryn izdestirýdi júrgizýi tıis. Baıqaýdyń eń kúrdeli kezeńi Sol Talǵar shatqalynda ótedi. Onda áskerı qyzmetshilerge taý shyńdarynan tótelep júrip, bıiktigi 4376 m quraıtyn Nursultan shyńyn baǵyndyrýǵa týra keledi,– dedi «Batys» óńirlik qolbasshylyǵynyń baspasóz qyzmetinen kapıtan Rýstem Igısınov.
Komanda quramy sany 12 adamnan quralǵan bir topty qamtıdy. Baıqaýdyń irikteýi men daıyndyǵy taýly daıyndyq boıynsha tájirıbeli nusqaýshylardyń jetekshilik etýimen ótýde.
Atalmysh baıqaý qarý-jaraqty, arnaıy alpınıstik múlik pen jaýyngerlik qoldanýǵa kerek-jaraqty daıyndaýda jeke quramnyń bilim men mashyǵyn, sondaı-aq taýly jerde áskerı qyzmetshilerdiń tapsyrmalardy oryndaýǵa ázirlikterin tekserý maqsatynda uıymdastyryldy. Baıqaý barysynda áskerı qyzmetshiler alpınıstik kerek-jaraqty qoldana otyryp, kúrdeli klımattyq jáne geografııalyq jaǵdaılardaǵy praktıkalyq jumystyń daǵdylaryn ıgere alady.
Mańǵystaý oblysy