Otyrysqa Senat depýtattary – «О́ńir» depýtattyq tobynyń músheleri, elimizdiń densaýlyq saqtaý mınıstriniń orynbasary Lázzat Aqtaeva, «Áleýmettik medısınalyq saqtandyrý qory» kommersııalyq emes aksıonerlik qoǵamynyń, «Ulttyq táýelsiz emtıhan ortalyǵy» resýpblıkalyq qoǵamdyq birlestiginiń, Aqmola, Jambyl jáne Qyzylorda oblystarynyń densaýlyq saqtaý basqarmalarynyń basshylary qatysty.
«О́ńir» depýtattyq tobynyń jetekshisi, Senat depýtaty Mıhaıl Bortnık sharany asha kelip, elimizdiń Tuńǵysh Prezıdenti – Elbasynyń Qazaqstan halqyna Joldaýlarynda kórsetiletin dárigerlik qyzmetterdiń, ásirese aýyldyq jerlerdegi sapasy men qoljetimdiligin arttyrý jóninde sharalar qabyldaýdy tapsyrǵanyn atap ótti.
«Búginde medısınada, ásirese aýyldyq jerlerde sheshilýge tıis birqatar máseleler bar. Máselen, kadrlar tapshylyǵy men daıarlaý máseleleri ótkir sezilip otyr. Tıisti mamandardyń bolmaýyna baılanysty qymbat jabdyqtardyń turyp qalǵan mysaldary bar. Kóptegen densaýlyq saqtaý obektileri kúrdeli jóndeýdi qajet etedi. Medısınalyq avtomobıl kólikterin jańartý boıynsha da sheshilmegen máseleler bar. Osyndaı ózekti máselelerdiń bári halyqqa kórsetiletin medısınalyq qyzmetterdiń qoljetimdiligi men sapasyna áser etedi. Bul problemalardy keshendi túrde sheshetin qadamdar kerek bolady. Senat depýtattarynyń el óńirlerine jumys sapary barysynda osy másele jurtshylyq tarapynan birneshe ret kóterilgen bolatyn», - dedi M. Bortnık.
Sóz alǵandar memlekettik organdar qabyldaıtyn sharalar densaýlyq saqtaý salasyndaǵy jaǵdaıdy edáýir jaqsartýǵa jáne qoıylǵan maqsattarǵa qol jetkizýge múmkindik beretinin atap ótti. Aldaǵy kezeńde aýyldyq jerdegi aýdandyq aýrýhanalar men emhanalardy jabdyqtaýda eń tómengi standartqa jetkizý jáne aımaq turǵyndarynyń medısınalyq kómekke qoljetimdiligin qamtamasyz etý josparlanyp otyr. Memlekettik-jekeshelik áriptestik tetigin keńinen paıdalaný, aýylda mobıldi dárigerler tájirıbesin engizý, qashyqtan kórsetiletin medısınalyq qyzmetterdi damytý jáne aýyldyq jerdegi densaýlyq saqtaý mekemeleriniń ınternet jelisine qol jetkizýin qamtamasyz qolǵa alynatyn bolady.
Talqylaý barysynda senatorlar Álı Bektaev pen Bekmyrza Elamanov aýyldyq jerlerdegi aýrýhanalardyń jabylýyna alańdaýshylyq bildirdi.
Senator Serik Bekturǵanov óz sózinde Qazaqstan Respýblıkasyndaǵy densaýlyq saqtaý jaǵdaıyna jan-jaqty taldaý jasady.
Senat depýtaty Mıhaıl Bortnık kezdesýdi qorytyndylaı kelip «О́ńir» depýtattyq tobynyń músheleri – senatorlar kórsetiletin medısınalyq qyzmetterdiń, ásirese aýyldyq jerdegi dárigerlik kómektiń deńgeıin odan ári arttyrýǵa baǵyttalǵan zań jobalary arqyly zańnamalyq deńgeıde qoldaýǵa daıyn ekenin atap ótti.
«Ázirlengen usynystar pysyqtalyp, elimizdiń Úkimetine jiberiledi», - dedi senator.