Atalǵan sharanyń maqsaty – kadrlyq qamtamasyz etý salasyndaǵy normatıvtik-quqyqtyq qujattardy túsindirý jáne sheshý joldaryn usyna otyryp, túıindi máselelerdi talqylaý.
Saýalnama sheńberinde ákimdiktiń memlekettik qyzmetshileri memlekettik qyzmettegi jáne óziniń memlekettik organyndaǵy jaǵdaı týraly málimdedi. Olar oń ózgeristerge merıtokratııa qaǵıdatynyń sátti iske asyrylýyn, mansaptyq ilgerileýdiń múmkindigin, memlekettik qyzmetke túsýdi ońtaılandyrylýyn, konkýrstaǵy táýelsiz baıqaýshylardyń qatysýymen suhbat rásimderiniń ashyqtyǵyn saqtaý jáne artyq jumystyń azaıýyn jatqyzady. Mańǵystaý oblysynda 2018 jyldyń 1 qańtarynan bastap ákimshilik memlekettik qyzmetshilerge faktorlyq-balldyq shákil boıynsha eńbekaqy tóleýdiń pılottyq júıesi engizilgendigin atap ótý kerek. О́ńirlik deńgeıdegi memlekettik qyzmet júıesindegi FBSh oń jaqtary: Mańǵystaýda memlekettik qyzmettiń básekelestik qabileti artty (mysaly, jeke sektordan memlekettik qyzmetke ornalasqandar sany 7 esege artqan (2017 j - 10, 2018 j -72 adam), jańa jalaqy júıesi engen soń, Mańǵystaý ákimdikterinde bos oryndar edáýir azaıdy(2017 jyldyń qorytyndysymen – shtat sanynyń 11,8%-y, 2018 jyl qorytyndysymen - 4,4%-y), taza aýysymdylyq kórsetkishi tómendedi, Biliktiligi joǵary mamandar qatary kóbeıdi(«Bolashaq» baǵdarlamasynyń túlekteri 2017 jyly – 1 adam, 2018 jyly – 5, QR Prezıdenti janyndaǵy memlekettik basqarý akademııasynyń túlekteri 2017 jyly – 2, 2018 jyly - 6 maman).
Degenmen, jaǵymdy sáttermen qatar, personaldy basqarý qyzmetiniń uıymdastyrylýynda kemshilikter de bar ekendigi týraly Departament basshysynyń orynbasary Q.Baıgebaevtyń baıandamasynda aıtyldy. Jyl basynan beri bos laýazymdarǵa jarııalanǵan konkýrstyq rásimderdi buzǵany úshin 10-nan asa laýazymdyq tulǵa ákimshilik jaýapkershilikke tartylǵan, keıbir memlekettik organdarda kadrlyq esepti qalyptastyrýǵa tıisti deńgeıde kóńil bólinbeıdi, bul óz kezeginde respýblıkalyq statıstıkalyq málimetterdiń burmalanýyna soqtyrýy múmkin.
Baıandamada kadr quramynyń turaqtylyǵy, tártiptik komıssııalardyń jumysyn jetildirý, qyzmetkerlerdiń eńbek tártibin jáne Ádep kodeksiniń talaptaryn saqtaý boıynsha, synaq merzimin belgileý, tálimger taǵaıyndaý, memlekettik qyzmetshilerdi oqytý, merıtokratııa qaǵıdaty, konkýrstyq prosedýralardyń ashyqtyǵy máselelerine kóńil bólindi.
Sonymen birge departament basshysynyń orynbasary qatysýshylarǵa sybaılas jemqorlyqqa qarsy is-qımyl týraly, Qazaqstan Respýblıkasyndaǵy memlekettik qyzmettiń jaǵdaıy týraly Ulttyq baıandamany tanystyryp ótti.
Shara barysynda baıandamashy «Digital agent» mobıldik qosymshasymen tanystyryp, kórsetiletin qyzmetter nátıjesin baǵalaýǵa, qońyraý shalý arqyly aýmaqtyq departamentke óz ótinishteri men oń pikirlerin qaldyrýǵa múmkindik berilgendigin eskertti.
«E-qyzmet» yqpaldastyrylǵan aqparattyq júıesinde avtomattyq rejımde jumys júrgizý týraly memlekettik qyzmet basqarmasynyń bas mamany A.N.Hojanazarova baıandap, «E-qyzmet» yqpaldastyrylǵan aqparattyq júıesiniń júrgizilýiniń mánine toqtaldy.
Semınarǵa qatysýshylar tarapynan suraqtar qoıylyp, tolyqqandy jaýaptar berildi.
Baıandamalarda kórsetilgen qatelikterge aldaǵy ýaqytta jol bermeý maqsatynda semınar-keńeske qatysýshylardyń nazaryna kadrlyq qamtamasyz etý salasyndaǵy normatıvtik quqyqtyq qujattardyń talaptary týraly jetkizildi.
Mańǵystaý oblysy