Qazaqstan Respýblıkasy kezekten tys Prezıdent saılaýyna shyǵysqazaqstandyqtar belsendi qatysyp jatyr. Oblystyq saılaý komıssııasy tóraǵasynyń orynbasary Eldar Tóleýbekovtiń aıtýynsha, óńirde 1040 saılaý ýchaskesi qurylǵan. «Saılaý komıssııalary músheleriniń sany - 6770. Olar ózderiniń jumystaryn bastap ketti. Al daýys berýshilerdiń jalpy sany mıllıonǵa jýyq. Qazirgi, saǵat 10-daǵy jaǵdaı boıynsha aıtar bolsaq, shamamen oblys turǵyndarynyń 15,5 prosenti daýys berdi. Bul rette Besqaraǵaı, Glýbokoe, Katonqaraǵaı, Abaı aýdandary belsendilik tanytýda» deıdi ol.
Al oblys ortalyǵy – О́skemen qalasynda 120 saılaý ýchaskesi jumys istep tur. «Bul saılaý ýchaskelerine 244 667 saılaýshy tirkelgen. 8000-ǵa jýyq múmkindigi shekteýli azamat búgin úıde daýys berý múmkindigine ıe bolady. Qazirgi ýaqytta qalada Qazaqstannyń 112 táýelsiz baqylaýshylary, sondaı-aq EQYU, TMD, ShYU jáne basqa da uıymdardyń halyqaralyq baqylaýshylary mıssııalary jumys isteıdi. Saılaý ýchaskeleriniń jumysy úzilissiz saǵat 20: 00-ge deıin jalǵasady» deıdi О́skemen aýmaqtyq saılaý komıssııasynyń tóraǵasy Farhad Qurmanov.
О́SKEMEN