Oblys ortalyǵyndaǵy Estaı atyndaǵy mádenıet saraıynyń aldynda qalalyq Kásipkerlik jáne aýyl sharýashylyǵy bólimi uıymdastyrǵan azyq-túlik jármeńkesi saılaýshylarǵa arnaldy.
Jármeńkede jumyrtqanyń qoraby 185 teńgeden, 2 kelilik un 270 teńgeden, 5 kelilik qant 1125 teńgeden satylýda.
Ýchaskelik komıssııasy tóraǵasy Birjan О́skembaevtyń aıtýynsha, ýchaskede 2203 saılaýshy tirkelgen.
Qazir turǵyndar belsendi túrde daýys berýde.
Saǵat 11:00-de 670-ke jýyq adam daýys berip úlgerdi. Alǵash daýys berýge tańerteń 16 adam kelgen.
Sondaı-aq, múmkindigi shekteýli 20 adam úıinde daýys berýge ótinish bildirdi. Olarǵa arnalyp 2 jáshik bólingen.
Al, saılaý ýchaskesinde múmkindigi shekteýli jandarǵa arnalǵan kerekti quraldarmen jabdyqtalǵan arnaıy burysh bólingen.
Ýchaskede Novosibirden kelgen sheteldik baqylaýshy men partııalardyń jáne Prezıdenttikke úmitkerlerdiń senimdi ókilderi bar.