Zerendidegi zerdeli eńbek

Jalǵyz sıyr qyryqqa jetken. Qazir sút, qaımaǵyn aýyldastary tańsáriden talap alady. Toqymdaı jerdegi jylyjaı 0,7 gek­tarǵa ulǵaıypty. Aýmaǵy atshaptyrym jylyjaıdyń ishinde qııar samsap tur. Úzilip aly­nyp, tutynýshynyń aq das­tar­qa­nyna jetip jatyr. О́ńir­de qat kókónisti qyltıyp kóktegen soń qulaǵynan tartyp shy­ǵar­ǵan­daı yjdaǵattylyqpen ónimdi jumys júrip jatyr.

– Qazir qalalyq jerde tabı­ǵı taza ónim qasqaldaqtyń qa­nyn­daı tapshy bolyp ketti ǵoı, – deıdi seriktestiktiń qar­jy jónindegi orynbasary Qarlyǵash Tileýova, – biz aldymen osyny eskerdik. Tutynýshy izdep eshqaıda sabylǵan joqpyz, qulaq­tanǵan jurttyń ózi kelip jatyr. Aýdan ortalyǵyndaǵy 25 dúken­men kelisimshart jasadyq. О́nim­di óndirý bir bólek te, ótki­zý de ózekti másele ǵoı. Bul oraı­da bizge aýdan ákimdigi kóp kó­mek kórsetip otyr. О́tken kúz­de jer­gi­likti kásipkerlerdiń ónim­de­rin nasıhattaǵan úlken is-shara uıymdastyryldy. Sol jerde jarnama jasaldy. Isimizdiń alǵa basýyna osyndaı qamqorlyqtar sebepshi bolyp otyr.

Jylyjaıǵa naýryz aıynyń ba­synda qııar egip tastaǵan eken. Tamshylata sýarylady. Al tyńaıtqyshqa eshqandaı hı­mııa­lyq zattar qoldanbaıdy, bári tabıǵı. Kóńdi, qaıyńnyń kúlin paıdalanady.

– Baptalǵan ónimniń ózi bel­gili bolyp turady ǵoı. Alǵash­qy­da qııarymyzdy alyp áldebir dúkenge bardyq, áriptes bolaıyq degen usynysymyzdy aıttyq, – deıdi seriktestik basshysy Nur­lan Daıyruly, – satýshy ke­linshek qazaqtyń qııar ege bi­le­ti­nine kúdiktengen tárizdi. Kesip kórsettik. Sóli aǵyp tur, al hosh ıisi dúkenniń ishin alyp ketti. Sodan keıin dúken ıeleri ózderi kele bastady.

Qazir seriktestik 10 adamǵa tu­raqty jumys berip otyr. Ju­mys­shylardyń eńbekaqylary 110-115 myń teńge shamasynda. Aýdan ortalyǵy úshin táp-táýir jalaqy.

Yrys ta umtylǵanǵa úıi­ri­le­di-aý. Alǵashqy jyly ónim kólemi onsha kóp bolmaǵan. Byltyr 15 tonna qııar óndiripti. Bıylǵy meje – 20 tonna. Erte kóktemde sol­tústikte qııar baǵasy túse qoı­maıdy. О́ıtkeni dál osyndaı jylyjaı salyp jumyla jumys istep jatqandar joqqa tán. Jaz ortasynda birer aı baǵa tó­mendegenimen, qońyr kúzde qaıta sharyqtap ketedi. Qazir se­riktestik saýda oryndaryna qııar­dyń kılosyn 350 teńgeden tap­syrady eken. Kókshetaýdyń orta­lyq bazarynda da ónimderin satatyn oryndary bar.

Qazir saly sýǵa ketip, jumys joq dep syltaý aıtatyndar kóp.  Zerendilik kásip­kerlerdiń qııar egip, qaımaq byl­ǵap otyrǵan isin solarǵa úlgi bolý úshin aıtqymyz keldi.

Aqmola oblysy,

Zerendi aýdany