Bul baǵdarlama aıasynda Úkimet óńdeý ónerkásibi jáne agroónerkásip kesheni salasyndaǵy basym jobalardy 2018-2020 jyldar aralyǵynda qoldaý baǵytynda 600 mlrd teńge qarastyryp otyr. Sonyń ishinde óńdeý ónerkásibin damytýǵa 400 mlrd teńge bólingen. Bul nesıeleý baǵdarlamasyna negizinen jeńil ónerkásip, jıhaz ónerkásibi, tamaq jáne qaıta óńdeý ónerkásibi sondaı-aq, qurylys materıaldaryn óndiretin jáne týrızm, bilim salasy, kólik jáne logıstıka salasyndaǵy qyzmet túrlerin qamtıtyn jobalarmen barlyq bıznes sýbektileri qatysa alady. Joba atalǵan salalardy damytý máselesine qatysty, sonyń ishinde júıelik deńgeıdegi, ortalyq jáne jergilikti deńgeıdegi birqatar is-sharalardy qamtıtyn 9 taraýdan turady. «Qarapaıym zattar ekonomıkasyn» damytý jónindegi úkimet tapsyrmasyna sáıkes oblys ákimdigi men «Atameken» óńirlik kásipkerler palatasy negizinde qurylǵan jobalyq keńsede tıisti is-sharalar jospary jasaqtalyp, jumys júrgizilýde.
Jobany júzege asyrý barysynda kásibı sportshylardy daıyndaıtyn sport-saýyqtyrý kesheni ashylmaq. Kásipkerdiń quny 100 mln teńge turatyn usynysyn «FORTE BANK» maquldap, keshen 2020 jyldyń mamyr aıynda ashylady dep josparlanýda.
- Bul degenimiz, kásibı sportshylar úshin taptyrmas múmkindik. О́ıtkeni, olar jattyǵý úshin shetel aspaı, óz elimizde daıyndalyp, olımpıada oıyndaryna qatysa alady, deıdi «FORTE BANK» AQ MO boıynsha fılıal dırektory A.О́risbaev.
Mańǵystaý oblysy