Otyrystyń jumysyna alǵash ret Qazaqstan Respýblıkasy Qarjy mınıstrligi Memlekettik kirister komıtetiniń tóraǵasy Marat Eleýsizuly Sultanǵazıev qatysty.
TMD KQBK alańynda oǵan keden saıasatynyń negizgi aspektileri boıynsha TMD qatysýshy memleketterdiń keden qyzmetteriniń praktıkalyq ózara is-qımylyn úılestirý boıynsha júktelgen mindetteri sátti sheshilýde. О́tip jatqan otyrysta birqatar máseleler talqylandy jáne sheshimder qabyldandy.
1994 jylǵy 15 sáýirdegi Keden isterindegi yntymaqtastyq jáne ózara kómek týraly kelisimge ózgerister engizý týraly hattamanyń kúshine enýi týraly sheshimge qol qoıý negizgi máselelerdiń birine aınaldy. Jınaqtalǵan tájirıbeni, jańartylyp jatqan keden zańnamasyn jáne Eýrazııalyq ekonomıkalyq odaqtyń qurylýyn esepke ala otyryp, ózara is-qımyldyń qoldanystaǵy tártibin qaıta qaraý qajettigi týyndady.
Sondaı-aq otyrys barysynda Táýelsiz Memleketter Dostastyǵyna qatysýshy memleketterdiń keden organdarynyń kóliktik (tasymaldaý) jáne kommersııalyq qujattarda keden organdarynyń mórleri men mórtabandaryn qoıý tártibi týraly kelisim jobasy maquldandy.
Temirjol kóligimen ótkiziletin taýarlarǵa kedendik baqylaýdy jáne kedendik operasııalardy (kedendik resimdeý) júrgizý kezinde TMD qatysýshy memleketterdiń keden organdary men temirjol tasymaldaýshylarynyń ózara is-qımyl tıptik tehnologııasy bekitildi.
Sońynda taraptar yntymaqtastyqtyń strategııalyq mańyzdy máselelerin talqylaý jáne sheshý úshin turaqty kezdesýlerdi osyndaı formatta ótkizýdiń jáne tyǵyz ózara is-qımyldyń mańyzdylyǵyn atap ótti.
Sondaı-aq Keden odaǵyna múshe memleketterdiń keden qyzmetteriniń birikken alqasynyń 31-shi otyrysy ótti.
Qazaqstan Respýblıkasy Qarjy mınıstrliginiń Memlekettik kirister komıteti osy otyrystardyń turaqty qatysýshysy bolyp tabylady. Qazaqstandyq delegasııany Sultanǵazıev Marat Eleýsizuly basqardy.
Keńeste qoldanystaǵy kedendik zańnamany jetildirýge baǵyttalǵan birqatar ózekti máseleleri qaraldy.
Eýrazııalyq ekonomıkalyq odaqqa múshe memleketterdiń keden qyzmetteri basshylarymen ekijaqty kezdesýlerdiń sheńberinde Eýrazııalyq ekonomıkalyq odaqtyń kedendik aýmaǵy arqyly taýarlar tranzıtiniń biryńǵaı júıesin qurý jáne basqa da kóptegen máseleler talqylandy.
Sondaı-aq, Bishkekke sapary barysynda Qyrǵyz Respýblıkasynyń Úkimeti janyndaǵy Memlekettik salyq qyzmeti basshylyǵymen salyqtyq ákimshilendirý máseleleri boıynsha ekijaqty kezdesý ótti.
Kelissózder qorytyndysy boıynsha ekijaqty yntymaqtastyqty ári qaraı jalǵastyrýǵa jáne nyǵaıtýǵa daıyn ekendigi aıtyldy.