Bılikke senim bárinen de bıik tur

Búkil álem jurty kóz tigip qaraǵan kezekten tys ótken saılaýda qazaqstandyqtar ózi ómir súrip otyrǵan qoǵamnyń saıası turǵyda kemeldengenin jáne Tuńǵysh Prezıdent – Elbasy Nursultan Nazarbaev bastaǵan strategııalyq josparlar men bastamalarǵa salǵyrt qaramaıtynyn, kerisinshe, tolyq qoldaıtynyn aıqyn kórsetip berdi.

Ulyqtaý rásimine qatys­qan Elbasy bul saltanat­qa kó­ńil uıytatyn aıryqsha adamı áser syılady – tamyry tereńge ketken ǵasyrlar boı­ǵy armandy shyndyqqa aınal­dyryp, derbestikke qol jetkizgen eldi túrli toqy­raýlar men tutqıyldan kezik­ken qıyndyqtardan kóre­gen­dikpen oılastyrǵan refor­malary arqyly aman-esen alyp shyqqan Elbasy jyl­dardyń ótinde júrip birge shyń­dal­ǵan saıası serigine senim bil­dirdi. Sondyqtan bolar, «el tizgini senip tapsyrylǵan jańa Prezıdent ant bergen soń Qazaqstan halqyna arnap aıta­tyn alǵashqy sózin qalaı bas­tar eken?» degen suraq ár­qaı­symyzdyń kókiregimizde saırap turdy.

Úlken minberde turyp sóı­lengen sóz jeke óz basym­dy naqtylyǵymen jáne ózek­ti­ligimen ılandyrdy. Biz To­qaev úshin daýys bergen kezde qolǵa alǵan reformalar men irgeli bastamalardy ári qa­raı ilgeriletip, damytý úshin ózi­niń barlyq múmkindikterin sarqa paıdalanýǵa nıetti, osy ýaqytqa deıin qalyptastyryp úlgergen Qazaqstannyń halyq­aralyq bedeli men abyro­ıyn odan ári nyǵaıta túsetin kásibı memlekettik jáne saıa­sı qaıratker úshin daýys berip turǵanymyzdy túsingen edik. Alaıda ulyqtaý saltanaty kezinde biz Prezıdenttiń árbir memlekettik mindetti oryndaý­shydan naqty nátıje talap etetin nıeti baryn estigende, qýanyshymyz tipti ústemelene tústi. Prezıdenttiń ár sózinen eldegi jaǵdaıdy jaqsy bile­tin­digi, bolyp jatqan oqı­ǵalarǵa túsinistikpen qaraıtyny, ádil baǵa beretini sezilip turdy. Munyń dáleli tamyz aıynan bastap iske kirisetin Ulttyq qoǵamdyq senim keńesin qurý týraly sheshimi boldy. Iаǵnı, Prezıdent jańa laýazymyna kirisý úshin uzaq beıimdelip, asyqpaı yrǵala basyp júrýge ýaqytynyń joq ekenin birden ańdatty. Onyń sheshimdi jyldam qabyldap, iske tez kirisip ketkeni qarapaıym adam­dar­dyń keýdesine senim uıala­typ otyr, sebebi búgingi kúni bılikke degen senim bárinen de mańyzdy, joǵary bolyp tur: biz bárimiz de eldegi turaq­ty­lyq pen beıbitshilikti, kó­shede alańsyz júrgenimizdi, jat pıǵyldy adamdardyń ty­nysh­tyǵymyzdy urlamaǵanyn qalap otyrmyz.

Ulttyq keńes – bul bizdiń qoǵamymyzdyń tynyshtyǵyn shaıqaǵysy keletinderge qarsy aıtylǵan jaýap, bul – ártúrli qoǵamdyq toptardyń, ár býyn­daǵy urpaqtyń bıliktiń áre­keti týraly óz oıyn ashyq aı­typ, usynysy men jobasyn ortaǵa salýǵa múmkindik bere­tin kelisimge, ortaq mámi­lege kelý alańy. Sol sebepti reforma jasaǵysy kelip qul­shynatyndarmen, ony júzege asyrýǵa umtylatyndarmen, sodan keıingi onyń nátıjesi úshin barmaǵyn shaınap, óki­netindermen keri baılanys jasaýdy retke keltirý múm­kindigin paıdalanǵanymyz óte oryndy.

Qasym-Jomart Kemeluly áleý­mettik saıasatty jańar­tý qajettiligin alǵa tartyp otyrǵan kezde bul ıdeıa der kezinde jasalýymen ári ózek­tiligimen kóńilge qonaty­nyn kórsetti. Ulttyq keńes mem­lekettiń nazaryn osy saladaǵy mańyzdy máselelerge aýdarýǵa múmkindik beredi. Ony óz maq­satymyzǵa paıdalana alamyz ba, joq pa, ol tek bizge baı­lanysty bolyp otyr.

Biraq mádenıet salasynda qyzmet etetin men, túıini tarqatylmaǵan, kúrmeýi qıyn máselelerdiń sheshimi turǵyn úı, jalaqy nemese baǵa saıasaty sekildi áleýmettik salalardyń ǵana sheńberinde tuıyqtalyp qal­maǵanyn qalaımyn. Biz ós­keleń urpaqtyń tárbıe­sindegi túıtkilderdi, bilim men mádenıettiń ózara baıla­nysyn qamtamasyz etýdi, halyq­tyń jalpy mádenıetin qalyp­tastyryp, kóterýdi talqy­laýdy da umytpaýymyz kerek. Ázirge qoǵamdaǵy azamat­tary­myzdyń deni: «Men azatpyn, erkinmin, endeshe ózimdi qalaı ustaǵym kelse, solaı ustaımyn, ne istegim keledi, sony isteımin, eshkimmen de sanasýǵa mindetti emespin» degen júgensizdikke jeteleıtin jaǵymsyz qaǵıdany ustanym etip alǵan. Bul jaǵdaıda Pre­zıdenttiń jastarǵa qaraı mo­ıyn buryp, olardyń saıa­sı kóz­qarasy men unamsyz usta­nym­darǵa qaraı bólinýine jol bermeıtinine ýáde etkeni kóńildegi kóp kúdikti sylyp tastaǵandaı boldy.

Mádenıet qaıratkerlerin aıryqsha qýantqan taǵy bir másele týraly aıtpaı ketkenim bolmas: Prezıdent «Rýhanı jańǵyrý» baǵdarlamasyna jas­tardy tárbıeleýdiń ózin­dik quraly ispetti mán berip qarap otyr. Qazaqstanda júzege asyrylyp jatqan bul baǵ­dar­lamanyń baǵyttary kóp jáne búgingi mádenı jetistikterimiz ben onyń halyqaralyq moıyn­dalýynyń qondyrǵysy bolyp otyrǵan mádenı murany ult­tyń tiri baılyǵy etip kór­se­te­tin maqsatqa ıe. Jastar ózi­niń tamyry men tarıhy úshin maq­tanýy kerek. Sebebi biz jasampaz ıdeıalar men qýatty naq sol bastaý-bulaqtardan alamyz.

О́z tańdaýymyzben qol jetkizgen búgingi tarıhı oqıǵa búkil qazaqstandyqtardy odan ári biriktirgendeı bolyp otyr. Biz barlyq jerde ulyqtaý sal­tanatyn, Prezıdenttiń Ún­deýin talqylap, elimiz úshin, saıası mádenıettiń bıik deń­geıi men bostan jyldarda boıy­myzǵa sińgen azamat­tyq jaýap­kershilik úshin maq­tana­ty­nymyzdy bir adamdaı sezin­dik. Mindet belgilendi, endi tek maqsatqa jumylyp, alǵa basý ǵana bizdi mejege jetkizedi.

Nadejda GOROBES,

Abaı atyndaǵy Qazaq memlekettik akademııalyq opera jáne balet teatry dırektorynyń orynbasary,

Qazaqstannyń eńbek sińirgen qaıratkeri