Memleket basshysy Qasym-Jomart Toqaevtyń atyna Qazaqstan Respýblıkasynyń Prezıdenti bolyp saılanýyna oraı, AQSh Prezıdenti Donald Tramptan quttyqtaý jedelhaty kelip tústi. Bul týraly Aqordanyń baspasóz qyzmeti habarlady.
«Osy jyldardyń ishinde ekijaqty qarym-qatynastarymyzda úlken jetistikterge qol jetkizdik, yntymaqtastyq rýhymyzdyń ári qaraı da jalǵasa beretinine kámil senemin. Amerıkalyq bıznestiń Qazaqstanmen ekonomıkalyq yntymaqtastyqty keńeıtý baǵytynda jańa múmkindikter alǵany qýantady», – dep jazdy Donald Tramp.
Aq úı basshysy, AQSh-tyń Qazaqstanmen keńeıtilgen strategııalyq áriptestikti ilgeriletý jolyndaǵy birlesken jumystardy jalǵastyra berýge nıetti ekenin atap ótti.
«Men ortaq qaýip-qaterlerge qarsy is-qımyl jasaý úshin, bizdiń tereń strategııalyq áriptestigimizdi ilgeriletý isinde Sizben yntymaqtastyqqa úmittenemin. AQSh Qazaqstanmen myǵym áriptestikti baǵalaıdy. Ortalyq Azııa men jahandyq deńgeıdegi ortaq múdde aıasynda Sizben jáne Qazaqstan halqymen birlesken jumystardy jalǵastyra bermekpiz. Jumysyńyzǵa mol tabys tileımin», – delingen AQSh Prezıdentiniń quttyqtaýynda.