Osy másele boıynsha kásipkerlerdi aqparattandyrý maqsatynda ındýstrııalyq sertıfıkatty qoldaný sharttary men mehanızmderi týraly Mańǵystaý oblysy kásipkerler Palatasynda basqosý ótti. Indýstrııalyq sertıfıkat - otandyq taýar óndirýshilerdiń, jumystar men kórsetiletin qyzmetterdiń tiziliminde ótinish berýshiniń bolýyn rastaıtyn qujat.
Bul - ótinish berýshini tizimge engizý kezindegi negizgi qujattardyń biri. Taýar óndirýshiniń tizilimde bolý merzimi jyl saıynǵy jańartýdy eskere otyryp, uzartý quqyǵymen qosa eseptegende úsh jyldy quraıdy.
Atap óteıik, Tóralqanyń 2018 jylǵy 28 jeltoqsandaǵy №28 sheshimimen otandyq taýar, jumys jáne qyzmet óndirýshiler tizilimin qalyptastyrý jáne júrgizý, sondaı-aq ındýstrııalyq sertıfıkattar berý qaǵıdalary bekitildi.
Kásipkerlermen kezdesý barysynda О́KP dırektorynyń orynbasary Nurlybek Jarylǵapov «Indýstrııalyq sertıfıkat ıeleri ony aldyn ala biliktilik irikteýinen ótý kezinde qoldana alady jáne jalpy ball somasynyń 20% qosymsha alady. Budan basqa, ındýstrııalyq sertıfıkat memlekettik satyp alýǵa qatysýǵa, otandyq taýarlardy, jumystar men qyzmetterdi shetelde kórsetý boıynsha shyǵyndardy óteýge ruqsat beredi. Otandyq taýar óndirýshiler, jumys jáne qyzmet óndirýshiler tizilimine kirý úshin kásipker ESK kómegimen «doc24.kz» saıtta tirkelýi qajet» deıdi.
1 shildeden bastap memlekettik satyp alý erejelerine ózgerister engiziledi, oǵan sáıkes «qarapaıym zattar ekonomıkasy» taýarlardy satyp alýǵa bilikti jetkizýshiler tizilimine engizilgen óndirýshiler ǵana qatysa alady. Onyń ústine, birinshi kezekte jańa eńgizilimder Jıhaz jáne jeńil ónerkásip kásiporyndaryna áser etedi.
- Sertıfıkatty alý rásimi eki kezeńde júzege asyrylady. Birinshi - salalyq sarapshy óndiristiń jaı-kúıin kózben kórip, taldaý júrgizedi. Jergilikti jerde óndiristiń naqty jaǵdaıyn kásiporynnyń usynylǵan qujattarymen salystyryp tekseredi. Ekinshi kezeń - óńirlik kásipkerler palatasyna ótinish berý. Bul kezeńde biz óndiristi tekserip, qujattamany tekseremiz. Qajet bolǵan jaǵdaıda qujattar pysyqtaýǵa jiberiledi, ne ındýstrııalyq sertıfıkat berý týraly sheshim qabyldanady, deıdi Indýstrııalyq sertıfıkatty qoldaný sharttary men tetikteri týraly sertıfıkattaý jónindegi maman Ashat Ysqaqov.
Mańǵystaý oblysy