Robot tehnıkasyn qurastyrýshy úzdikterdi anyqtaıtyn jarysqa bıyl 240 oqýshy qatysypty. Ulttyq chempıonattyń osy jylǵy taqyryby «Smart Cities» dep atalypty. Balalar óz jobalaryn jeke nomınasııalar boıynsha qorǵap, qurastyrǵan robottarynyń jumysyn tanystyrdy. Taldyqorǵandyq oqýshylar bul saıysta 4 birdeı joba qorǵady. Jetistik te joq emes. Máselen Open Senior sanatynda Taldyqorǵandaǵy Nazarbaev zııatkerlik mektebiniń 11 klass oqýshysy Danııl Fılımonov pen 9 klass oqýshysy Elına Pak usynǵan «Sýretshi-robot» jobasy top jaryp, birinshi oryn aldy.
- Oqýshylardyń «Sýretshi-robot» jobasy utymdy shyqty. «Aqyldy» tehnıka mektepke deıingi daıarlyq klasynyń tárbıelenýshilerin sýret salý men jazýǵa úıretedi. Munda úlken erekshelik, robot neırondy júıe arqyly oqýshylarǵa sýret salý men jazý qımylyn úıretip qana qoımaı, olardyń jumystaryn ózdiginen salystyryp baǵalaý qabiletine ıe, - deıdi robot tehnıkasy klasynyń muǵalimi Nıkolaı Avdıýnın.
Al bastaýysh klasta oqıtyn Nıkıta Pak pen Angelına Doljenko qurastyrǵan «Tapqyr-robot» chempıonattyń Open Elementary sanatynda júldeli 3-orynǵa ıe boldy.
Sondaı-aq, «WRO-2019» ulttyq chempıonatyna taldyqorǵandyq balalar usynǵan «Saper-robot» jobasy mamandardyń qyzyǵýshylyǵyn týǵyzdy. Jarylǵysh zattardy izdep, taýyp, zalalsyzdandyrýmen aınalysatyn robotty 10-synyptyń oqýshylary Dilnaz Jemisbek pen Madına Agylamhan qurastyrǵan eken. Jas zııatkerlerge Engineering Simplicity Honors Award syılyǵy tapsyryldy.
Almaty oblysy