Mańǵystaýdan Arysqa kómek az bolmaıdy

Ásirese shilińgir shildede shybyn jandaryn shúberekke túıe júrip, barlyq úlkendi-kishi­li istiń basynda quraq usha júgir­gen jastardyń belsen­diligi men baýyrmaldyǵy, qaıy­rym­dylyǵy jan súısintti. Bul – qazaqtyń tutastyǵyn tanytty, syn saǵattarda uıysa qalatyn ultjandylyǵyn baıqatty. 

Mańǵystaýlyqtar úshin kún­niń ystyǵy men jer shal­ǵaı­lyǵy esh kedergi bola alǵan joq. Arys jurtshylyǵyna qol­daý kórsetý maqsatynda Nur Otan partııasynyń oblys­tyq, aýdandyq fılıaldarynda, sonymen qatar «Jastar» resýrs­tyq ortalyqtarynda, Qazaq­stan halqy Assambleıasy janyn­daǵy «Qoǵamdyq kelisim» jáne «Biz adambyz – biz birgemiz» qaıy­rymdylyq qory bazasynda arnaıy gýmanıtarlyq kómek jı­naý pýnktteri ashylyp, apat oryn alǵannan keıin araǵa bir-eki kún sa­lyp mańǵystaýlyqtar Arys tur­ǵyndaryna 40 mln teńge aýda­ryp, azyq-túlik, jeke gıgıena q­u­ral­dary, matras, dári-dármek, kıim-ke­she­k jáne birinshi kezekte qajet­ti zattardan quralǵan 6 tonna gý­manıtarlyq júkti jolǵa saldy. Aımaqtyń memlekettik qyzmetshileri, dárigerleri men mu­ǵalimderi, munaıshylar men iri kásiporyndary jarylys saldarynan zardap shekken tur­ǵyndarǵa kómek retinde bir kún­dik jalaqysyn aýdardy. О́ńir­degi iri jáne orta kásipkerlik sýbektileri barynsha qarjylaı kómek kórsetýge kiristi. 

Qazirgi tańda Mańǵystaý oblysy Arysty qalpyna keltirý ju­mystaryna óz kúsh-kómekterin qos­ýda. Munaıly óńir Arys­taǵy segiz kósheni qalpyna kel­tirý jumystaryn moınyna aldy.

Bul jaýapty jumysqa oblysta talaı turǵyn úı men nebir áleýmettik ǵımarattardy tur­ǵyzǵan tanymal «Ońdasyn Stroı», «Aq jol qurylys», «Alıans LTD», «Aktaý BS Stroı», «AS qurylys», «Aı­kom LTD», «Sheber qury­lys» jaýap­ker­shiligi shekt­eý­l­i serik­testikteri syndy 8 iri qu­ry­lys kompanııasy atsalys­paq. Tıisti oryndardyń máli­me­tinshe, qajetti tehnıkamen qam­ta­ma­syz etilip, jumystaryna Arys qalasynyń jumyssyz tur­­ǵ­yn­dary tartylǵan qurylys qar­qyn alýda. Naqty­raq aıtqan­da, 5 kósheniń 12 úıin jóndeý jáne 1 turǵyn úıdi qaıta salý ju­mystary bastaldy. Ázirge ju­myldyrylǵan jumysshylar sany 50 adamdy qurap otyr jáne adamdar sany kún saıyn qajetti kólemge deıin kóbeıe bermek. Qalpyna keltirýge qajetti materıaldar, sonyń ishinde 12 000 sharshy metr shatyr jabyndysy, 140 tekshe metr aǵash jáne basqa da birinshi kezekte shatyrlardy jóndeıtin qurylys jabdyqtary alynǵan. Sonymen qatar 5 kó­shede ornalasqan úılerdiń tere­zeleriniń ólshemderi alynyp, daıyndalýda. Endi az ýaqytta alǵashqy kósheniń turǵyndary úılerine ornalasady. 

– Arys qalasyn qalpyna keltirý boıynsha el Prezıdenti Qasym-Jomart Toqaev Úkimetke jáne oblys ákimderine arna­ıy tapsyrma bergen bolatyn. Mań­ǵystaý oblysy nómiri 4-shi sektorǵa jaýapty retinde beki­tilgen. Bul aýmaqta 8 kóshe, 331 úı ornalasqan. Al jóndeýge jatatyn úılerdiń sany – 275, jóndeýge kelmeıtin, ıaǵnı buzyp, jańa úı salýdy qajet etetin úıler sany – 3. Bul úılerdiń barlyǵy da jeke turǵyn úıler. Bul jumystarǵa jaýapty retinde oblys ákiminiń orynbasary Qılybaı Nurdáýlet beki­tildi. О́ńirden attanǵan 9 sa­rap­shylyq mekemeniń 18 ókili zar­dap shekken turǵyn úılerdiń to­­lyqtaı defektilik aktilerin ázir­ledi. Jóndeý jumystary ta­myz aıynyń birine deıin aıaq­talady dep josparlanýda, dedi óńir basshysy S.Trumov bul ja­ıyn­da О́ńirlik kommýnıkasııalar qyzmeti alańynda ótken brıfıngte.  Sondaı-aq Arys qalasynyń 150 balasy úshin Kaspıı jaǵa­laýyndaǵy lagerlerde tegin demalys uıymdastyrylýda. Shildeniń 16-30 aralyǵynda Aqtaýdaǵy «Bal­dáýren» balalar lagerinde Arys qalasynyń 50 balasyna, «Alaý» lagerinde 100 balaǵa jaz­ǵy demalys uıymdastyrý jos­parlanýda.  Mańǵystaýlyqtar Arystaǵy aǵaıynǵa kómek qolyn sozýda qalys qalmaq emes.  Mańǵystaý oblysy