41433 áskerı bóliminiń ofıseri aǵa leıtenant Sergeı Sadrıev Atyraý qalasynda ótken jappaı júgirýde úshinshi orynǵa ıe boldy. Atalmysh jarystyń uzyndyǵy 4500 metrdi qurap, oǵan 600-ge jýyq qala turǵyndary qatysty.
Al úsh kún ótkennen keıin, ol AQUATLON birinshiliginiń jeńimpazy atandy. Jarys erejesi boıynsha sportshylar 250 metrdi quraıtyn basseındi júzip ótip, 3000 metr araqashyqtyqty júgirip ótý tıis boldy.
«Jarystyń basty maqsaty ol salaýatty ómir saltyn ustanýǵa shaqyrý, júgirýdi nasıhattaý jáne jastar men aımaq turǵyndaryn buqara sportpen aınalysýǵa shaqyrý boldy» deıdi uıymdastyrýshylar.
Bul jeńis áskerı qyzmetshiniń alǵashqy jetistigi emes. Sońǵy bir jyldyń ishinde, ol Atyraý marafonynyń, «Atyrau Yellow Race», «Atyrau Ice Race», Dala Race jáne Astana marafon 2019 jarystarynyń júldegeri atanǵan edi.
Mańǵystaý oblysy