Almaty qalasynyń ákimi Baqytjan Saǵyntaev kórmege qatysýshy kásiporyndardyń ónimderimen tanysyp, elimiz ekonomıkasynyń damýyna barynsha úles qosyp otyrǵan kásipkerlik nysandarynyń isine sát-sapar tiledi.
Almaty qalasy kásipkerler palatasynyń dırektory Narıman Ábilshaıyqovtyń aıtýynsha, baıqaýǵa qatysyp otyrǵan árbir kompanııa jeńimpaz atanýǵa ábden laıyq. Kórmege azyq-túlik salasy, óndiristik baǵyttaǵy, sondaı-aq qolóner, kıim-keshek, aıaq kıim tigetin, oıynshyq shyǵaratyn 70-ten astam kompanııa qatysty.
Sharaǵa sonymen qatar ákim orynbasarlary Erjan Babaqumarov, Saparbek Tuıaqbaev, Almaty qalasy Kásipkerler palatasy О́ńirlik keńesiniń tóraǵasy Iýrıı Tleýmuratov jáne de memlekettik organdar men bıznes qaýymdastyqtardyń ókilderi qatysyp, ońtústik astanadaǵy kásipkerliktiń damý barysyna qatysty tyń málimetterimen bólisti.
Úzdik kásiporyndar qatarynda «О́ndiristik maqsattaǵy úzdik taýarlar» atalamy boıynsha – «Kelet» AQ, «Inno Track» JShS, «Savenergy» JShS, «Halyqqa arnalǵan úzdik taýarlar» atalymy boıynsha – «PERI» JShS, «KOVAZ» JK, «Kazlegprom-Almaty» JShS, «Úzdik azyq-túlik taýarlary» atalymyna – «Beker ı K» JShS, «Hlebozavod №7» JShS, «Sın-Kaz» JShS ataldy.
Aıtýly is-sharaǵa Almaty qalasynyń ákimi Baqytjan Saǵyntaev, ákim orynbasarlary Erjan Babaqumarov jáne Saparbek Tuıaqbaev, Almaty qalasy Kásipkerler palatasy О́ńirlik keńesiniń tóraǵasy Iýrıı Tleýmuratov, Almaty qalasy Kásipkerler palatasynyń dırektory Narıman Ábilshaıyqov, sondaı-aq memlekettik organdar men bıznes qaýymdastyq ókilderi qatysty.
Kórme-baıqaýǵa almatylyq saýda ortalyqtarynyń jalǵa berý bólimderiniń ókilderi de qatysyp, otandyq taýar óńdirýshilerge úı-jaılardy jalǵa berý boıynsha qyzmetterin, joldaryn, baǵyttaryna qatysty túsindirý jumystaryn júrgizdi. Qatysýshylardyń qatarynda «MOSKVA metropolitan», «Forum Almaty», «Mega Alma-Ata», «Mereı», «Magnum Cash & Carry» jáne t.b saýda ortalyqtary boldy.
Baıqaýǵa kelgen qonaqtar kórmege qoıylǵan taýarlardyń sapasyn baǵalap, qalaǵan ónimdi arzan baǵamen satyp alyp, sondaı-aq qosymsha júldeli utys oıyndaryna qatysty. Al kórmeniń jeńimpazdary respýblıkalyq deńgeıdegi baıqaýǵa qatysýǵa joldama aldy.