Qazaqstan Prezıdenti óz sózinde óńirlerdiń áleýmettik-ekonomıkalyq damý máselelerin shuǵyl sheshý úshin ákimderdiń aldyna birqatar mindet qoıdy.
Qasym-Jomart Toqaev ákimder korpýsyna halyqtyń talaptaryn júıeleýdi jáne olardy sheshý úshin jan-jaqty jumys júrgizýdi, sondaı-aq, olardyń qajettiligi óńirdiń áleýmettik jol kartasynda kórinis tabýy kerek ekenin tapsyrdy.
Memleket basshysynyń pikirinshe, óńirlik bılik oblystar men qalalardaǵy turaqtylyq úshin jaýapkershilikti ózderine alýy tıis.
Sonymen qatar, Qazaqstan Prezıdenti aldaǵy astyq jınaý naýqanyna daıyndyq jumystaryn júrgizýdi, dala men orman órtterin eskertý jáne onyń aldyn alý sharalaryn qabyldaýdy, sondaı-aq jylý berý maýsymyna ázirlik júrgizýdi, turǵyn úı-kommýnaldyq sharýashylyq nysandarynyń toqtaýsyz jumys isteýin qamtamasyz etýdi tapsyrdy.
Sońynda Qasym-Jomart Toqaev búgingi qoıylǵan barlyq mindettiń iske asyrylýyn baqylaýdy Prezıdent Ákimshiligine júktedi.
Jıynnan keıin Memleket basshysy oblystyń jáne respýblıkalyq mańyzy bar qalalardyń ákimderin qabyldady.