Jany qazaq Vıktorııa

Estafetaǵa qatysýshylardyń arasynan Taraz qalasynyń turǵyny Vıktorııa Vıacheslavovna Tregýbova Abaı Qunanbaevtyń «О́leń – sózdiń patshasy» óleńin oqyp, kópshilik kózaıymyna aınaldy. Áleýmettik jelide joǵary tanymaldyqqa ıe bolyp, QHA baspasóz qyzmeti taratqan beınejazbaǵa 1500-ge jýyq repost jasalyp, kórýshiler sany 65 myńnan asty.

Belgili aqyn, Memlekettik syılyqtyń ıegeri Tynysh­tyqbek Ábdikákimuly, aqyn «Platınaly tarlan» syıly­ǵynyń ıegeri Israıl Saparbaı, kórnekti kúıshi, Qazaqstannyń eńbek sińirgen qaıratkeri Jan­ǵalı Júzbaev, kınorejısser, Qazaqstannyń eńbek si­ńirgen qaıratkeri Satybaldy Narymbetov, dúldil ánshi,  Qazaq­stannyń eńbek sińirgen qaıratkeri Erlan Rysqalı jáne basqa aqyn-jazýshylar men BAQ ókilderi, sondaı-aq áleýmettik jeli qoldanýshylary Vıktorııaǵa qazaq tiline degen qurmeti úshin erekshe alǵys aıtyp, zor rızashylyǵyn bildirdi.

Osy oraıda jaqynyraq tanystyra ketsek, Vıktorııa Vıacheslavovna Tregýbova  – 1998 jyly 1 maýsymda Reseı Federasııasy Ýlıanovsk oblysynda dúnıege kelgen. 2000 jyly Jambyl oblysy Moıyn­qum aýdany Ulanbel aýylyna qonys aýdarǵan. M.Áýezov atyndaǵy orta mektepti bitirgen. 2015-2019 jyly M.H.Dýlatı atyndaǵy Taraz memlekettik ýnıversıtetiniń jýrnalıstıka fakýltetin bitirgen.

Qazirgi kezde Taraz qala­synda turady, qańtar aıynan bastap Jambyl oblystyq telearnasynyń «Tuski time» baǵdarlamasynyń tálimger-júrgizýshisi. Jambyl oblystyq Qazaqstan halqy Assambleıasy «Radanej» orystar qoǵamy birlestiginiń múshesi jáne QHA Jańǵyrý joly jastar qozǵa­lysynyń belsendisi.

– Otbasynda eki aǵaıyn­dymyz. О́zimnen úsh jas úlken aǵam Vladıslav ta qazaq mek­tebin bitirgen, qazaq tilinde erkin sóıleıdi. Anam Svetlana Ste­panovna – meteorolog, ákem Vıacheslav Aleksandrovıch Jam­byl oblystyq obaǵa qarsy kúres stansasynyń qyzmetkeri. Naǵashy jurtym – Jambyl ob­lysynan, anam Ulanbel aýy­lynda týyp-ósken. Reseıge qy­dyryp baryp, ákemmen tanysyp, ekeýi shańyraq kó­tergen. Arada 6-7 jyl ótken­de anam ákeme týyp-ósken je­rin kórsetpekshi bolyp, eki balasymen tórkinine qydyryp keledi. Ákeme Qazaqstannyń unaǵany sonshalyq, biz Reseıge qaıta oralmadyq.

Aýylda bir ǵana qazaq mek­tebi bolǵandyqtan, úıdegiler bizdi amaly joqtyǵynan sol bilim oshaǵynyń partasyna otyrǵyzǵan bolar. Biraq biz qazir memlekettik tildi joǵa­ry deńgeıde biletinimiz úshin maq­tanamyz. Qazaqy ortada tárbıelenýime múmkindik jasaǵan áke-shesheme myń alǵys aıtamyn. О́zimdi kópshilikke orystyń qazaq qyzymyn dep tanystyramyn, – deıdi Vıktorııa Tregýbova.