Memlekettik qyzmetshiler arasyndaǵy spartakıadaǵa alǵash ret engizilgen bul sport túrinen QR Memlekettik qyzmet isteri agenttiginiń Mańǵystaý oblysy boıynsha departamentiniń ókilderi Jasulan Marshakuly, Nurbol Doldashev jáne Erbol Jumabaı, Mańǵystaý oblysynyń eńbek basqarmasynan Muhtar Jaqııaev, Aqtaý qalalyq dene shynyqtyrý, sport jáne týrızm bóliminen Samat Qylyshbaev júldeger atandy.
Bul kúres túri adamnyń denesin shıratyp, bulshyq etterdi qataıtady, tózimdilikke, batyldyqqa, eptilikke, kerek kezinde tez oılanyp, ádis taba bilýge mashyqtandyrady. Qazaqsha kúres kúsh jetildiretin sport. Sonymen qatar ol qorǵanýdyń ulttyq óneri.
Qazaqsha kúreste adam ózin erkin ustap, óz boıyndaǵy kúshin, ádisin túgel paıdalana alady, munda shalý, jata tastaý, arqalaı tastaý, qol baılap kúresý, salmaqpen basý, tiresý, ashadan alý, aıaqtyń basymen ilip tastaý, jambasqa alyp ıire laqtyrý, belinen qysyp, tirsekten shalý sııaqty ádisterdiń bárin de qoldanýǵa bolady. Kúres bir jaqtyń talassyz jyǵylýymen jáne jaýyryndy jerge tıgizýmen aıaqtalady.
Mańǵystaý oblysy