Tájikstanmen alys-beris kóbeıedi

Eksportshylar úshin bıyl 9-shy ret ótken, jyl saıynǵy saý­da-ekonomıkalyq mıssııa qazaq­standyq taýarlardyń Tájik­stan naryǵynda saýdasyn júrgizip, jergilikti kásipker­lermen baılanys ornatýdy kózdeıdi. 

Tájikstan bul neǵurlym tıimdi baǵalar men jetkizý shart­tary ekendigi aıan. Osy kez­desý­lerde qajet­ti qural-jab­dyq­tardy satyp alý ári el­den tysqary serik­te­s­terdiń qol­daýyna ıe bolý qaras­tyrylǵan.

Eki eldiń shekaralary shek­­­tespeıtinine qaramastan, Qazaq­stan 10 jyldan beri Tájik­stan­nyń syrtqy saýda áriptesi jáne eki el ókilderiniń pikirinshe, Qazaqstan Tájikstannyń basty saýda seriktesi retinde qalyp­tasýynyń keleshegi bar.

Máselen, ótken  jyldyń qorytyndysy boıynsha memleketter arasyndaǵy taýar aınalymy 845 mıllıon dollardy quraǵan. Biraq Dýshanbe men Nur-Sultan qalalary ekijaqty taýar aınalymyn eki mıllıard dollarǵa deıin jetkizýdi josparlap otyr. 

Bul úshin Úkimet «2018-2022 jyldarǵa arnalǵan Tájikstan men Qazaqstan arasyndaǵy ta­ýar aınalymyn ulǵaıtý jónindegi jol kartasyn» daıyndap jatyr. Budan basqa, elde 2007 jyldan beri Qazaqstan-Tájikstan tikeleı ınvestısııalar qory jumys isteıdi.

Sondaı-aq Premer-Mınıstr Asqar Mamın men prezıdent Emomalı Rahmonnyń jýyrdaǵy kezdesýi Nur-Sultan men Dýshan­beniń jaqyndaýynyń kezekti aıǵaǵy ekenin kórsetti. 

Osy saparlardyń nátıje­sinde eki tarap jalpy somasy 80 mıllıon dollardan asa­­tyn Qazaqstan-Tájikstan ynty­maq­tastyǵyn nyǵaıtýǵa baǵyt­talǵan onnan astam qujatqa qol qoıǵanyn aıta ketý kerek.

Osylaısha, 11 shildede saý­da-ekonomıkalyq mıssııa oty­ry­synda Hyundai Trans Kazakhstan ókilderi Tájikstanǵa 50 JAC mashınasyn jetkizýdi talqyla­sa,  PALLANT TRADE JShS ónim­derin konservileý zaýyty 1 mıllıon dollarǵa «Tád­jero­kontrakt» iri dıstrı­bıý­torlyq kompanııasymen kelisimge qol qoıdy.

Bir aptadan keıin Dýshanbedegi saýda-ekonomıkalyq mıssııa­­nyń kelesi otyrysyna tájik eko­no­mıkasy úshin mańyzdy ener­ge­tıkalyq salamen baılanysty qazaq­standyq kompanııalar keldi. 

Tájik agrarshylaryn bıdaıdy krahmaldan bıootynǵa deıin tereń óńdeýmen aınalysatyn  KazFoodProducts kompanııasy­nyń jáne Bıo-Katu fırmasynyń ónimderin organıkalyq ty­ńaıt­qysh­tarǵa qaıta óńdeıtin ónim­deri qyzyqtyrady. Sol sııaq­ty 18 shildede kompanııa «SınoTehnıks Tájikstanmen» árip­testik qarym-qatynas týraly memorandýmǵa qol qoıdy. Sol kúni «Barakatı Istıklol» «Túr­gen-ekoprodýkt» kompanııasymen ara sharýashylyǵy ónimderin jet­kizý týraly kelisti.

Qazaqstan tarapynan saý­da-ekonomıkalyq mıssııany uıymdastyrýǵa Indýstrııa jáne ınfraqurylymdyq damý mı­nıstr­ligi men «Atameken» Ult­tyq kásipkerler palatasy jáne Qazaq­stannyń syrtqy saýda palatasy uıytqy boldy. ALMATY