Bul sharanyń barysynda kelýshilerdi múmkindigi shekteýli psıhonevrologııalyq aýrýmen emdelip júrgen balalardyń ózderi qoldan jasaǵan áspetti buıymdarymen qyzyqtyrdy. Balalarmen kezdesýge uıytqy bolǵan aýdandyq fılıaldyń konsýltanty Gaýhar Ázimbaeva balalardyń osy kezdesýdiń ózinen olardyń erteńge degen úmit alaýy júzderine nur syılaǵandaryn ańǵarýǵa bolatynyn qýanyshpen jetkizedi. Balalardyń ózderi shuqshııa kóńil bólip jasaǵan órnekti ónerlerine Almaty qalalyq máslıhatynyń depýtattary Roza Badaeva men Mıhaıl Grachevtiń súısine kóńil bólgenderine ishteı rızalyq sezimderin bildirgendeı dersiz. «Bakarasov» óndiristik seriktestiginiń bas dırektory Elena Bakarasova balǵyndar jasaǵan buıymdarǵa erekshe yqylas tanytqanyna ishteı shattanǵandaı boılaryn ózgeshe maqtanysh sezimi bılegendeı.
Túrksib aýdandyk fılıaly janyndaǵy múmkindigi shekteýli psıhonevrologııalyq aýrý balalar ortalyǵynyń dırektory Altyn Imanbaeva ózderi tálim berip jatqan 60 balanyń búgingi shattyǵyna mereılene túsedi. Olar ashyp otyrǵan ortalyq degenińizde «Kedergisiz bolashaqqa» qadam silteıtin órkendi is ekenin aıǵaqtar mártebeli tárbıe oshaǵy bolyp kórinedi. Balǵyndar bolashaqta mereıleri ósip, mártebeli mamandyq ıeleri bolyp, elimizdiń sanaly azamaty bola berýine jazsyn. Búldirshinderdiń júzindegi qýanysh pen shattyqtyń erteńgi kúnge degen alaý oty bolyp sharpylǵany da shyǵar dep oıladyq. О́zi órnek salǵan buıymdarǵa Aqerke men Klara mereılene qaraıdy. Balǵyndardyń saltanatqa shattyq syılaǵandaryn kórip, ustazdary da marqaıyp turdy.
Erteńgi kúnge degen úmit oty balǵyn júrekterde alaýlaıdy.
Saparbaı PARMANQUL,
«Egemen Qazaqstan»
ALMATY