«Bıylǵy jyly velojarys kúntizbede qyrkúıek aıynyń sońynan 30-31 tamyz kúnderine aýystyryldy. Bul básekelestikti arttyryp, elimizdiń eń iri qalasynyń kóshelerindegi keptelisti azaıtady», - delingen habarlamada.
«Almaty týry - 2019» jarysyna ár túrli dárejedegi 21 halyqaralyq velosıped komandalary qatysady. Olardyń arasynda Astana Pro Team da bar.
Velojarystyń 1-kezeńiniń baǵyty «Almaty Arena» sport saraıynan bastalyp, «Indýstrıaldy park» arqyly ótip, qaıta «Almaty Arenada» máresine jetpek. Buǵan deıin osy jol baǵyty boıynsha Qazaqstan chempıonaty ótken bolatyn. Velashabandozdardyń aıtýy boıynsha 118 shaqyrymdyq jarys baǵytyn baǵyndyrý ońaı emes. Ekinshi kezeń klassıkalyq baǵyt boıynsha ótedi.
Shyǵys aınalma avtojolymen 4,5 aınalym jáne ál-Farabı dańǵyly arqyly ótip, «Medeý» muz aıdynynda jarys máresine jetpek. Bul kúni velododa qatysýshylary 160 shyqyrym jarys jolyn baǵyndyrady.
Aty shýly dodanyń tikeleı kórsetilimin «Eýrosport» telearnasy arqyly kórermenge jol tartpaq.