Bıyl 15 myńnan astam almatylyq oqýshyǵa «Mektepke jol» aksııasy aıasynda kómek kórsetiledi. Olardyń qatarynda jetim balalar, az qamtylǵan jáne kópbalaly otbasylardyń balalary bar.
Qaıyrymdylyq úshin qalalyq bıýdjetten 260 mıllıon teńge bólingen. Bul qarjy mektep formasy, oqýlyqtar men oqý quraldaryn satyp alýǵa jumsalady. Dástúrge aınalǵan qaıyrymdylyq joba osymen 12-ret ótkizilip otyr.
«Byltyr osy aksııa boıynsha 14 myń 250 balaǵa kómek kórsetildi. Oǵan jalpy somasy 141 mln 328 teńge jumsaldy. Onyń 66 mln 635 myń teńgesi bizdiń jappaı oqýǵa qamtý qorynan bólinse, 74 mln 693 myń teńge qaıyrymdylyq kórsetken azamattar men mekemelerdiń esebinen boldy», – deıdi Almaty qalasy bilim basqarmasynyń basshysy Gúlnar Qojabergenova.