Kezdesý barysynda turǵyndar aýyldaǵy áleýmettik máseleler sheshimin taýyp kele jatqanyn atap ótti. Degenmen, jergilikti turǵyndardy alańdatyp otyrǵan máseleler de bar ekeni aıtyldy. Jaıyq ózeni sýynyń jyldan jylǵa azaıyp bara jatqany, orman-toǵaıdyń jaǵdaıy nasharlaǵany, shabyndyq, mal azyǵy jetispeıtinin, mal urlyǵy toqtamaı turǵany sóz boldy. Turǵyndar osy máselelerdi ortalyqtan júıeli túrde qarasa degen tilekterin bildirdi. Sonymen birge, Jer kodeksiniń erejeleri jas jáne jańadan kásip bastaıtyn adamdarǵa kedergi jasap otyr degen pikir aıtyldy.
Senator Sársenbaı Eńsegenov memleket tarapynan qaıtarymsyz nesıe alyp, óz isin bastaǵan jas kásipkerlermen kezdesti. Olardyń biri 1995 jyldan beri jumyssyz júrgen Jańasha Imanqulova qaıtarymsyz kredıt alyp, shashtaraz qyzmetin qolǵa alǵan. Memlekettiń osy baǵyttaǵy saıasatyna rızashylyǵyn bildirdi.
Sársenbaı Eńsegenov sýretshi Tilek Halınniń el, aýyl tarıhy, salt-dástúrdi baıandaıtyn, tárbıelik jáne tanymdyq mańyzǵa ıe sýret galereıasynda boldy. Zeınetker sýretshi tájirıbesi men bilimin jastarǵa úıretýde.