Halyqaralyq armııalyq oıyndarǵa qatysyp jatqan qazaqstandyq «Desanttyq vzvod» komandasy 6 parashıýttik-desantshylar rotasynyń quramynda mert bolǵan 84 jaýyngerlik eskertkishine gúl shoqtaryn qoıyp, bir mınýttyq únsizdikpen eske aldy. Bul týraly «Batys» óńirlik qolbasshylyǵynyń baspasóz qyzmeti kapıtan Rýstem Igısınov habarlady.
Qazaqstan Respýblıkasynda Desanttyq-shabýyldaýshy áskerleriniń kúni 6 shilde kúni atalatynyna qaramastan, árbir desantshy óziniń tól merekesi dep 2 tamyzdy sanaıdy. Osy kúndiri, Reseıdiń Pskov óńirinde júrgen qazaqstandyq desantshylar da osy merekede beı-jaı qalmaı Chereha eldi mekeninde ornalasqan, 76-shy gvardııalyq áýe-desanttyq dıvızııasy 6 rotasynyń quramynda erlikpen qaza tapqan 84 jaýyngerdiń qurmetine qoıylǵan «Kýpol» eskertkishine gúl shoqtaryn qoıyp, bir mınýttyq únsizdikpen eske aldy.
Atalmysh 6 rotanyń jeke quramy ekinshi sheshen naýqany barysynda, 2000 jyldyń 29 aqpan kúni, Argýn shatqalynyń 776 bıiktiginde separatıster kúshimen qorshaýǵa alynǵan bolatyn. Qarsylastyń basym kúshtiligine qaramastan, desantshylar óz pozısııasyn tastamady. Nátıjesinde barlyǵy derlik erlikpen qaza tapty. Rota quramynda Reseı jerinde týǵan etnıkalyq qazaqtar qatardaǵy jaýyngerler Kýatbaev Galım Mýhambetgalıevıch, Kenjıev Amangeldy Amantaevıch pen Ambetov Nıkolaı Kamıtovıch, sonymen qosa Qazaq KSR týylǵan kishi serjant Elıseev Vladımır Sergeevıch, efreıtor Gerdt Aleksandr Aleksandrovıch boldy.
Qazaqstandyq desantshylar osy jarystyń barysynda, Pskov oblysynyń Novosokolnıı aıdany, Monakovo aýylynda jerlengen Keńes Odaǵynyń batyry Alııa Moldaǵulovanyń jerlengen jerine barýdy josparlaǵan.
Mańǵystaý oblysy