Mańǵystaý oblystyq «Dostyq» úıinde ótken «Ashyq esik» kúni aıasynda turǵyndarǵa kásibı medıatorlardan tegin keńes alýǵa múmkindik týdy. Atalmysh is-sharaǵa oblystyq sot, medıasııa ortalyqtary jáne oblystyq Assambleıa qurylymdarynyń ókilderi qatysty.
Osy múmkindikti paıdalaný baǵytyndaǵy sharaǵa aımaq boıynsha elýden asa azamat qatysyp, tegin keńes aldy. Sonyń biri Shara apaı páter alamyn dep alaıaqqa aldanyp qalǵan. Kásibı medıatorlar turǵynǵa qandaı qadam jasaý qajet ekenin, qandaı jaǵdaıda bitimgershilikke kelýge bolatynyn túsindirdi. Osylaısha kókeıtesti suraqtaryna tushymdy jaýap ala alǵan halyq rıza bolyp tarasty. О́ıtkeni barlyǵynyń birdeı zańger men advokatqa júginýge jaǵdaıy jetpeıdi. Mundaı sharalar Janaózen qalasy, Munaıly jáne Beıneý aýdandarynda jalǵasyn tapty.
Eske sala keteıik, aǵymdaǵy jyldyń 31-shildesi kúni medıasııany damytýǵa qoldaý kórsetý maqsatynda «Nur Otan» HDP MF ǵımaratynda «Ashyq esik» kúni ótkizilgen bolatyn. Aksııa aıasynda Assambleıa medıatorlary nıet bildirýshi barlyq azamattarǵa medıasııa jóninde keńester berip, tegin negizde medıatıvtik kelisimderge qol qoıdy.
Sondaı-aq, jıyn barysynda Mańǵystaý oblystyq soty tóraǵasynyń m.a. Erjan Qarabaev QHA medıasııa kabıneti meńgerýshisi, kásibı medıator Sanııa Satalıevany kásibı merekesimen quttyqtap, Alǵys hat tabystady.
Mańǵystaý oblysy