Teriskeılik dıqandar aldynda 4 mıllıon gektar alqapqa egilgen aýyl sharýashylyq daqyldaryn tókpeı-shashpaı jınap alý sekildi asqaraly mindet tur.
Sońǵy jyldary astyq óndirisin ártaraptandyrý belsendilikpen júrgizilip, rentabeldiligi joǵary maıly daqyldardyń kólemi bir mıllıon gektarǵa deıin ulǵaıtyldy. 15 myń gektar alqapqa alǵash ret soıa egildi.
«Astyqtyń shyǵymdylyǵy jaqsy. Memlekettiń qoldaý aıryqsha. О́simdik sharýashylyǵyn damytýǵa 13,4 mıllıard teńge bólindi. Eginshilikpen aınalysatyn agroqurylymdar mol ári sapaly ónim alýdyń qyr-syryn jetik meńgergen. Mıneraldyq tyńaıtqyshtar men gerbısıdterdi tıimdi qoldanýdyń arqasynda keı sharýashylyqtar rekordtyq ónim alyp otyr», deıdi aýyl sharýashylyq basqarmasynyń mamandary.
Jambyl aýdanyna qarasty «Shatılo jáne K» JShS-niń úsh brıgadasy kúzdik bıdaıdan gektar basy 50 sentnerden ónim jınap otyr. Seriktestik dırektory Oleg Adamnyń aıtýynsha, keı tanaptarda ónimdilik 70- 100 sentnerden aınalǵan.
«Negizgi ınvestorymyz «Atameken Agro» AQ-men 2008 jyldan beri qoıan-qoltyq jumys istep kelemiz. Tehnıkalar jańa. Sıfrlandyrý júıesi engizilgen. Kombaınshylar men mehanızatorlardyń qalypty eńbek etýine barlyq jaǵdaı týdyrylǵan», deıdi tájirıbeli basshy.
Seriktestik 34 myń gektar jerdiń 24 myń gektaryna dándi, al 10 myń gektaryna maıly daqyldar sepken. Mańdaı termen ósirilgen rızyqty shashpaı-tókpeı jınap alýǵa 7 «Vektor», 10 «CLAAS» kombaıny tartylǵan.
Aýdandyq aýyl sharýashylyǵy bólimi jetekshisiniń mindetin atqarýshy Petr Petrov bergen málimetter boıynsha 524 kombaın eginge shalǵy túsirip, 42 seriktestik, 185 sharýa qojalyǵy 185 myń alqaptyń eginin oryp, bastyrýǵa bilek sybana kirisip ketken.
Aqqaıyń aýdanynda ornalasqan «Daıyndyq-Agro JShS-i «EvroHım» mıneraldyq-hımııalyq kompanııasynyń tyńaıtqyshtaryn ǵylymı negizde paıdalanyp, mol ónim negizin qalap júr.
«Bıdaıdyń shyǵymdylyǵy- 20, arpa- 25, zyǵyr 12 sentnerden kem bolmaıdy degen senimdemiz», deıdi óz tájirıbesimen bólisken Birjan Ábdilmanuly.
«Jańǵyrý» qaıtadan daıarlaý jáne biliktilikti arttyrý ınstıtýty buǵan deıin tek muǵalimder úshin arnaıy kýrstar ótkizip kelse, endi aýyl sharýashylyǵy salasy mamandarynyń da biliktiligin kóterýge bet burǵan. Oqý baǵdarlamasyna «Basshynyń tulǵa bolyp qalyptasýy», «О́ńirde ósimdik salasynyń bolashaǵy jáne qazirgi jaıy», «Tyńaıtqyshtar men ósimdikterdi qorǵaýǵa arnalǵan quraldar» sekildi kýrstar engizilipti. О́z kezeginde bul dárister tyńdaýshylardyń biliktiligin, kásibı sheberligin shyńdaýǵa zor septigin tıgizeri, alǵan teorııalyq bilimderin tájirıbede qoldanýǵa, aýyldyq jerlerde aýyl sharýashylyq mamandaryn turaqtandyrýǵa yqpal jasary anyq.
Soltústik Qazaqstan oblysy