Moody’s Qazaqstan ekonomıkasyna boljamyn jaqsartty

«Sheteldik valıýtadaǵy basym qamta­masyz etilmegen borysh reıtıngi de «Baa3» deńgeıinde baǵalandy. Reıtıngtiń «pozı­tıv­ti» deńgeıge kóterilýine Qazaqstan ekonomıkasynyń «stres­ke tózimdiligi» artýy se­bep­ker boldy. Kómirsýtek sa­la­synyń tabysy artqan. Eko­no­mıkalyq reformalardyń múmkindigi jáne bıýdjet qoryn tıimdi ári aqylǵa qonymdy basqarý Qazaqstannyń nesıelik qabiletin arttyra túsedi. «Baa3» deńgeıi úkimettiń aktıvteri men passıvteriniń teńgerimi bar eke­nin kórsetedi», dep jazady Qazaq­stan qor bırjasy.

Bırjanyń málimetinshe, Qa­zaqstan úshin jergilikti valıý­tadaǵy oblıgasııalar men depo­zıtterdiń uzaq merzimdi reı­tıng­teri burynǵysynsha «Baa1» deńgeıinde qalyp otyr.

«Shetel valıýtasyndaǵy oblıgasııalar men depozıtterdiń uzaq merzimdi reıtıngteri ózgergen joq. Tıisinshe «Baa2» jáne «Baa3» deńgeıinde qaldy. Al oblıgasııalar men depozıtterdiń shetel valıýtasyndaǵy qysqa merzimdi reıtıngteri «P2» jáne «P3» deńgeıinde qaldy. Atalǵan «shekara» eldegi sharýashylyq sýbektileriniń oblıgasııalary sapaly ekenin ańǵartady», delingen agenttiktiń saraptamasynda.

Boljamnyń ózgerýine se­bep­shi bolǵan eń negizgi faktor­lar – Qytaı men Reseıdegi ekono­mı­ka­lyq quldyraý, munaı baǵa­synyń tómendeýine baıla­nys­ty eldegi ishki jalpy ónim­niń uzaq merzimdi ósiminiń báseń­deýi. Sonymen qatar Qazaq­stan­nyń nesıe reıtınginiń ózge­rýine bank sektoryndaǵy dol­larlandyrýdyń artýy men shetel­­dik valıýtadaǵy Qazaqstan aktıvteri men Ulttyq qordyń aktıvterine jasalǵan qysymnyń artýy yqpal etti.

Agenttiktegilerdiń málimetinshe, emıtent reıtıngi men Qazaqstannyń qamtamasyz etilmegen bereshegi boıynsha reıtıngi eldiń qarjy júıesindegi asa joǵary kúshti, ekonomıkalyq joǵary turaqtylyqty jáne shetel valıýtasyndaǵy aktıvterdiń aıtarlyqtaı kólemin kórsetedi.

Moody's-tiń baǵalaýy boıynsha, Qazaqstannyń ekono­mı­kalyq turaqtylyǵy eko­no­mıkanyń negizgi salalarynda kiristiń ósýimen bekitilgen. Eko­no­mıkalyq reformalardyń bıýdjettik býferdiń tıimdi basqa­rýy­men úılestiktegi odan arǵy pers­pektıvalary Qazaqstannyń kredıttik kórsetkishteri áli de nyǵaıyp, eń joǵary reıtıngke sáıkestenýine ákeledi.

Qazaqstannyń reıtıngin tu­raqty memlekettik balans, mem­­le­kettik qaryz­dar­dyń tó­men deńgeıi, aıtarlyqtaı qazy­nalyq rezervter, serpindi eko­no­mıkalyq ósý perspektıvalary kóterip otyr. Sarapshylar aldaǵy 2-3 jylda munaısyz salaǵa salymnyń ósýi arqyly naqty IJО́ ósýiniń turaqty qarqynynyń 4% deńgeıinde saqtalýyn boljaýda.

Moody's zor ekonomıkalyq turaq­ty­lyqty saqtaý úshin ósý men kiris fak­tor­la­rynyń artýyn kútedi. Júzege asyrylǵan jáne josparlanyp otyrǵan ekonomıkalyq reformalardyń perspektıvalary kóbine ekonomıkany ártaraptandyryp, Moody's taldaýshylary baǵalap otyrǵannan da kóp tabys ákelýge yqpal etpek. Bul úshin Úkimet ekonomıkany ártaraptandyrýǵa basa nazar aýdarýdy odan ári jalǵastyryp, nesıeleýdi sýbsıdııalaý men targettelgen sek­tordyń kásibı daıyn bol­ýyn qosa alǵanda, salyqtyq jáne salyqsyz yntalandyrýdy usy­ný­da.

Budan basqa, óńdeýshi emes salaǵa sheteldik ınvestısııa tartýǵa ishinara arnalǵan qar­jy­laı ınvestısııalar men mámileler úshin aǵylshyndyq qu­qyq qaǵıdatyndaǵy Astana halyqaralyq qarjy ortalyǵy quryldy.

Sarapshylar qazaqstandyq temir jol jelisi arqyly tasymaldaý kezinde ýaqyt únem­de­letinin eskergende, Qytaı men Eýropa arasyndaǵy júk tran­zıtin ulǵaıtýdan kólik pen logıstıka tek utatynyn atap ótti. Elimizdiń ınfraqurylymyn jaq­sartýdy kózdeıtin «Nurly jol» memlekettik baǵdarlamasy osy salanyń damýyna qoldaý ja­saıdy.

Eske sala keteıik, buǵan deıin Standard & Poor’s halyqaralyq reıtıng agenttigi Qazaqstannyń nesıe reıtıngin sheteldik jáne ulttyq valıýta boıynsha «BBB+»-ten «BBB»-ǵa deıingi mindetteri boıynsha negatıvti boljamdarmen tómen túsirgen bolatyn.