Budan buryn málim bolǵanyndaı, trıatlonshy Ánel Sytdyqova La-Mansh buǵazyn baǵyndyryp, 38 shaqyrym qashyqtyqty 15 saǵat 15 mınýt ýaqytta gıdrokostıýmsiz júzip ótken bolatyn. Buǵaz sýynyń 15-16 gradýs salqyndyqta bolatynyn eskersek, Áneldiń bul áreketin mamandar erlikpen para-par dep baǵalap otyr. «Qazaqstannyń temir hanshaıymy» ataǵyn birneshe márte ıemdengen trıatlonshyny Almaty áýejaıynda T.Júrgenov atyndaǵy Qazaq ulttyq óner akademııasynyń ujymy qoshemetpen qarsy aldy.
Budan buryn málim bolǵanyndaı, trıatlonshy Ánel Sytdyqova La-Mansh buǵazyn baǵyndyryp, 38 shaqyrym qashyqtyqty 15 saǵat 15 mınýt ýaqytta gıdrokostıýmsiz júzip ótken bolatyn. Buǵaz sýynyń 15-16 gradýs salqyndyqta bolatynyn eskersek, Áneldiń bul áreketin mamandar erlikpen para-par dep baǵalap otyr. «Qazaqstannyń temir hanshaıymy» ataǵyn birneshe márte ıemdengen trıatlonshyny Almaty áýejaıynda T.Júrgenov atyndaǵy Qazaq ulttyq óner akademııasynyń ujymy qoshemetpen qarsy aldy.
Táýelsiz memleketimizdiń kók baıraǵyn Fransııanyń soltústigi men Brıtan araldarynyń ońtústik-shyǵysyn jalǵap jatqan La-Mansh buǵazynda jelbiretken Áneldiń bul jeńisi álemdik deńgeıdegi sensasııa boldy. Jeńis habary jetken kúni Mádenıet jáne sport mınıstri Aqtoty Rahmetollaqyzy Raıymqulova júrekjardy lebizin bildirip, alǵys hatyn joldaǵan bolatyn.
Ánel Sytdyqovanyń ómirdereginen az-kem málimet bere ketetin bolsaq, Oral qalasynda dúnıege kelgen sportshy jastaıynan sportqa beıim bolyp ósedi. Keıinnen Almatyda joǵary oqý ornyn, Kembrıdj ýnıversıtetin támamdady. Áneldi kópshilik Qazaqstannan shyqqan Tuńǵysh Aıronmen (Ironman), Tuńǵysh Ýltramen (Ultraman) retinde tanıdy. Iаǵnı, ol – sýda júzý, velosıped tebý jáne júgirý boıynsha marafon qashyqtyǵyn baǵyndyrǵan birden-bir qazaq sportshysy. Aıta keterligi, ázirge Áneldiń jalpy uzyndyǵy 500 shaqyrymnan asatyn La-Mansh buǵazyn baǵyndyrý erligin TMD aýmaǵynda eshkim qaıtalaı qoıǵan joq. Ol trıatlonnan Malaızııa, Kanada, Shveısarııa jáne Nıderlandy elderinde júldeger atandy.
ALMATY