«Jas kásipker» jobasynyń qatysýshylaryna áleýmettik jelilerdiń, bıznestiń aldynda ashatyn múmkindikter týraly Facebook jáne Instagram, SMM-praktıkter jónindegi sarapshy, praktıkalyq ınternet-marketıng mektebiniń bas dırektory Maıgúl Búrgebaeva sheberlik dárisin ótkizip, oǵan Bostandyq, Áýezov jáne Almaly aýdandarynan 150-ge jýyq tyńdaýshy qatysty. Tyńdaýshylar SMM aıasynda «Facebook jáne Instagram arqyly óz taýarlary men qyzmetterin qalaı usyný kerek» taqyryby aıasynda kóptegen tanymdyq aqparattarmen almasyp, zamanaýı keńistiktiń múmkindikterin ıgerdi.
Bostandyq aýdanynyń aǵa jattyqtyrýshysy Damır Kýtýmovtyń aıtýynsha, sheberlik saǵatyna qatysýshylar úshin áleýmettik jeliler taqyrybyna dáris oqyǵan kásibı sarapshy Maıgúl Búrkibaeva bıznestiń áleýmettik jelilerge áseri, Facebook jáne Instagram-da qandaı formattar bar, bıznes-betterdiń múmkindikteri men olardy júrgizý kezindegi negizgi qateler, bıznes - profıldi qalaı durys rásimdeý kerek, áleýmettik jelilerge arnalǵan kontenttiń túrleri, áleýmettik jelilerde tegin jáne aqyly ádister jáne taǵy basqa joldaryn júrgizý týraly aqparattardyń áseri mol boldy.
Jarnamada 16 jyldyq tájirıbesi bar ol, alty jyl buryn SMM salasyn zertteı bastaǵan Maıgúl Búrgebaevanyń aıtýynsha, SMM - bıznestiń basty trendi. Úsh jarym jyl buryn óz mektebin ashqan sarapshy túlekteriniń qatarynan «BAZIS», «BI GROUP», «ADAL», «BAHÝS» jáne t.b. kompanııalardyń ókilderin kezdestirýge bolady.
«Bir kezderi bizge tutynýshylardy tabý óte qıyn bolǵan. Qazir olar bizdi izdeıdi. Sizder endi osy salada alǵashqy qadamdardy jasaısyzdar, biraq áleýmettik jelilerdegi jumystyń startap deńgeıinde sizde óte jumystar kóp bolady», - dedi Maıgúl Búrgebaeva. Al «Jas kásipker» jobasynyń ekinshi lek tyńdaýshysy 29 jasar almatylyq Aıdos Temirǵalıev osy joba aıasynda bilim alyp, bolashaqta óz isin ashýdy josparlap otyr. Onyń aıtýynsha, alǵan bilimi bıznesin joǵary deńgeıge kóterýge yqpal etedi ári bolashaq bıznesmen retinde el ekonomıkasynyń damýyna óz úlesin qosýdy maqsat etedi.
ALMATY