«Qazaqstan-2050» jalpyulttyq demokratııalyq kúshter koalısııasy jumysyn toqtatty. Bul týraly búgin atalǵan koalısııanyń sońǵy otyrysynda «Nur Otan» partııasy Tóraǵasynyń birinshi orynbasary Baýyrjan Baıbek málim etti. Bul týraly QazAqparat tilshisi habarlady.
«Koalısııa qurylǵannan bergi 8 jyldyń ishinde »Qazaqstan- 2050« damý strategııasyn qoldaý úshin elimizdiń jetekshi qoǵamdyq kúshterin Tuńǵysh Prezıdent - Elbasy N.Nazarbaevtyń memlekettik baǵytyn jaqtaýshylardy óz janyna toptastyrdy. Osy jyldardyń ishinde koalısııa jalpyulttyq dıalogty qamtamasyz etýdiń jáne el damýynyń mańyzdy máseleleri boıynsha máseleleri boıynsha ortaq mámile tetiginiń quralyna aınaldy», - dedi ol.
Onyń aıtýynsha, osy kezeńde 20-dan astam májilis ótkizilip, onda ózin-ózi basqarýdy damytý men ákimderdi saılaý boıynsha reformalar, Eýrazııalyq ekonomıkalyq odaǵyn qurý, Qazaqstan - 2050 strategııasynyń júzege asyrylý barysy jáne Memleket basshysynyń jyl saıynǵy joldaýlary keńinen talqyǵa tústi.
Otyrys barysynda Baýyrjan Baıbek «Nur Otan» partııasy Demokratııalyq kúshterdiń «Qazaqstan 2050» jalpyulttyq koalısııasy jumysynyń aıaqtalýy týraly usynys jasady. Koalısııa aıasynda bastalǵan keń qoǵamdyq pikirtalas Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesiniń alańynda jalǵasyn tabatyn bolady.