Ǵasyrǵa jýyq tarıhy bar Maqat aýdanynyń basty baılyǵy – munaı. Bıyl aýdannyń qurylǵanyna 95 jyl, al qazaq munaıynyń ıgerilgenine 120 jyl tolady. Osy mereıli datalarǵa oraı Maqat kentinde jas músinshilerdiń sımpozıýmy ótip jatyr.
Munaıly mekenge alǵash aıaq basqan elordalyq jas músinshiler qazir qyzý jumys ústinde. Táýligine on eki saǵat boıy erinbeı eńbektenip jatqan jastarǵa jergilikti turǵyndar da erekshe qurmetpen qaraıdy. Sımpozıým talaby boıynsha, Nur-Sultan men Almaty qalalarynan kelgen músinshiler 10 ekspozııalyq jumysty aıaqtaýlary tıis. Aldymen jobalardy talqylap, ıdeıalaryn ortaǵa salǵan jastar jańa jobaǵa qyzyǵýshylyqpen kirisken.
- Jas músinshilerdiń jumystary qyrkúıek aıynda aıaqtalady. Arnaıy komıssııa sımpozıým qortyndysyn shyǵarady. Jasalǵan jumystar Maqat kentine qoıylady. Elbasynyń «Rýhanı jańǵyrý» baǵdarlamasy aıasynda qolǵa alynǵan bul bastama arqyly halqymyzdyń ejelgi dástúrlerin jańǵyrta otyryp, jas talanttardy qoldaýdy maqsat ettik, - deıdi aýdan ákimi Jumabaı Qaraǵaev.
Aqtaýdyń aq tasynan qazaqy naqyshta qashalǵan músinder alystaǵy aýyldyń ajaryn ashyp, kórkine kórik qosary anyq.
ATYRAÝ