Almaty qalasynyń ákimi Baqytjan Saǵyntaev qala aýdandaryn aralaýy barysynda turǵyndar tarapynan kóptegen túıtkildi másele kóterilgen bolatyn. Qala basshysynyń atyna negizinen turǵyn úı-kommýnaldyq salaǵa, jer qatynastaryna, jol-kólik jáne ınjenerlik ınfraqurylymǵa qatysty túsken 70 ótinishtiń 26-sy qanaǵattandyrylǵany Túrksib aýdanynyń ákimi Pavel Kýlagınniń esep berýi barysynda málim boldy.
Tikeleı turǵyn úı-kommýnaldyq sharýashylyqqa qatysty 31 másele, onyń ishinde, ınjenerlik kommýnıkasııa salýǵa baılanysty 13 – sýmen jabdyqtaý jáne kárizge;
6 – gazben qamtýǵa; 4 - elektrmen qamtýǵa arnalǵan suraqtar da qarastyrylýda.
Kóterilgen máselelerdiń 3-ýi balalar alańyn salýdy, 2-ýi jer qatynastaryn jaqsartýdy ótingen. PIK-terdiń jumysyna, eski úılerge, ashyq lıýktarǵa qatysty da máseleler bar. Osy saýaldardyń 5-ýiniń sheshimi tabylyp, Álmerek yqsham aýdany men Súıinbaı dańǵyly boıyndaǵy úılerge gaz jelisi tartylatyndyǵy, 2 balalar alańdary salynyp jatqandyǵy málim boldy. Úıler zańdastyrylyp, Álmerek yqsham aýdanynda gaz magıstrali qolǵa alynatyn bolady. Qaırat, Nurshashqan, Álmerek yqsham aýdandaryna sý, káriz, elektr jelileri tartylady, QTQ tasymaldaýda jeńildikter kórsetilýde, jer ýchaskeleri bólinip, eski úıler súrilýde, ıaǵnı 10 suraq boıynsha túsinik jumystary júrgizildi. Maıak qala balansynda, Qaırat yqsham aýdany sýmen qamtylady. Boraldaı jáne Jansúgirov kóshelerine káriz jelisi júrgiziledi, «Vokzal-1» aımaǵyndaǵy turǵyn úılerge ystyq sý beriledi.
Pavel Kýlagınniń aıtýy boıynsha, mańyzdy suraqtardyń biri - turǵyn úılerge gaz berý. Álmerek yqsham aýdanyna gaz jelisi tartyldy. Sonyń arqasynda 1100 úı gazǵa qosyldy, bul 5 myń adam degen sóz, ıaǵnı turǵyndardyń turmysy jaqsarýda.
Qala ákimdigi Baspasóz qyzmetiniń naqty málimetteri boıynsha, qala ákimi aýdan turǵyndarymen kezdesýinde abattandyrýǵa qatysty 16 suraq qoıylǵan bolatyn, onyń ishinde 6 suraq joldar men trotýarlardy jóndeýge, 3 kóshe jaryǵyna, qalǵandary aǵashtardy kesýge, jol belgilerin, qoıýǵa, jaıaý júrginshi joldaryn retteýge, aryq jelilerin salýǵa qatysty boldy.
Qoǵamdyq kólikke qatysty (11 suraq) №41 avtobýstyń qozǵalys ıntervaly qysqardy, №51 avtobýstyń baǵyty ózgerdi. Spasskaıa kóshesinde beket kesheni salynýda, Nurshashqan, Maıak eldi mekenderinen qala ortalyǵyna qatynaıtyn kólik baǵytyn ashý máselesi qarastyrylýda, №74 baǵyttyń ıntervaly qysqarýda.
Bulardan ózge, áleýmettik máseleler, qoǵamdyq qaýipsizdik oń sheshimin tabýda.
Túrkisb aýdanynyń ákimi bıylǵy jyldyń jeti aıy ishinde aýdannyń áleýmettik-ekonomıkalyq damýy týraly da aıtty. О́nerkásiptik ónimniń fızıkalyq ındeks kólemi 104,5%-dy qurady. О́ndiris ónimin shyǵarý ósip, 101,2 mlrd teńgege jetti. 2018 jylmen salystyrǵanda ósim – 118,7% ( 2018 jyldyń 7 aıy ishinde – 86,2 mlrd. teńge bolǵan). Qaladaǵy úles – 18,4%.
Negizgi kapıtaldyń ınvestısııalyq kólemi artýda – 35,3 mlrd teńge, ótken jyldyń osy merzimimen salystyrǵanda 175,3%-dy(2018 jyldyń 7 aıy ishinde 19,4 mlrd teńge bolǵan) qurady. Qaladaǵy úles – 8,8%.
2018 jyldyń qorytyndysy boıynsha 78,2 mlrd teńgeniń salyǵy jınaldy. Bólshek saýda kólemi 155 mlrd teńge nemese ótken jyldyń osy kezeńimen salystyrǵanda 112,1% (130 mlrd teńge) boldy. Kóterme saýda – 481,5 mlrd teńge nemese 119%-ke (455,5 mlrd teńge) jetti. Qala ákimdigi usynǵan málimetter negizinde aýdannyń búgingi derekterine toqtalatyn bolsaq, Túrksib aýdanynyń aýmaǵy 75 myń sharshy metrden astam aýmaqty alyp jatyr. 236 myńnan astam turǵyny bar aýdanda 1168 kóppáterli jáne 24 678 jeke sektordaǵy úıler bar.
7 395 zańdy tulǵa tirkelgen, 477 óndiris oryndary bar (9 iri, 16 ortasha jáne 452 shaǵyn), bularda 46 637 adam jumys jasaıdy.
Aýdanda bilim berýdiń 135 obektisi (1 joo, 6 arnaıy ortasha bilim oshaqtary, 28 mektep,100 mektep jasyna deıingi balalar mekemeleri (22 memlekettik, 78 jekeshe), 12 densaýlyq nysany (7 emhana men 5 stasıonar), 23 dinı birlestikter, 7 mádenı ortalyqtar bar.