Aqparattyq qaýipsizdik qashanda nazarda

Alqaly jıynǵa Prezıdent kómekshisi – Qaýipsizdik Keńesiniń hatshysy Qalmuhanbet Qasymov tóraǵalyq etti. Otyrysqa aqparattyq qaýipsizdikke jaýapty memlekettik organdardyń bas­shylary, Ál-Farabı atyndaǵy Qazaq ulttyq ýnıversıteti jáne «Asta­na» halyqaralyq ýnıversıtetiniń ǵalym­dary men sarapshylary, Qazaqstan­dyq aqparattyq qaýipsizdik assosıa­sııasy, Qazaqstannyń Internet Asso­sıa­sııasy, Qazaqstandyq medıa-alıansy, О́ńirlik BAQ-tardyń alıansy, Kıber­shabýyldardy zertteý jáne taldaý ortalyǵy, sondaı-aq aqparattyq tehnı­kalyq qorǵaý quraldaryn daıyndaıtyn otandyq óndirýshiler ókilderi qatysty.

Sóz tizginin ustaǵan Qalmuhanbet Qasymov aqparattyq qaýipsizdik memlekettiń ulttyq qaýipsizdiginiń negizgi elementi ekenin, onyń atalǵan salanyń qaýipsizdiktiń ekonomıkalyq, qoǵamdyq, saıası jáne basqa da túrlerine tikeleı áser etetinin basa aıtty.

– Bul keshendi taqyryp eki úlken bloktan turady. Birinshisi, aqparattyq keńistiktiń destrýktıvti áserden qorǵalýy bolsa, ekinshisi – baılanys jáne aqparat arnalarynyń tehnıkalyq qorǵalýyn qamtamasyz etetin kıber­qaýip­sizdik. Eki aspekti ózara tyǵyz baı­lanysty. Sońǵy jyldary ulttyq qaýip­­sizdiktiń negizine aınalǵan aqpa­rattyq qaýipsizdik salasynda eleýli óz­gerister boldy. Ol qaýipsizdiktiń qo­ǵamdyq, ekonomıkalyq jáne saıası sııaqty basqa da túrlerine tikeleı yq­palyn tıgizýde. Aqparattyq alań qurylymynyń túbegeıli ózgerisinde eń aldymen áleýmettik jeliler áleýetiniń kúsheıýi mańyzdy ról atqarady. Ol halyqtyń basym bóligi úshin aqparat kózi jáne qarym-qatynas quraly bolyp otyr. Azamattar jańalyqqa osy alańnan qanyǵyp, álemge áleýmettik jeliler arqyly qaraıdy. Áleýmettik jeliler basqa BAQ-tardan destrýktıvti áser etýimen erekshelenedi. Qazir kez kelgen paıdalanýshy habar tarata alady. Munyń barlyǵy burmalanǵan jáne qate aqparat taratýǵa qolaıly jaǵdaı jasaıdy, – dedi Qaýipsizdik Keńesiniń hatshysy.

Basqosýda sarapshylar memlekettik organdar men qoǵam arasyndaǵy kommýnıkasııanyń ózekti máseleleri, memlekettik aqparattyq saıasattyń basymdyqtary, eldiń aqparattyq qaýipsizdiginiń táýekelderi men syn-qaterleri týraly oılaryn talqyǵa saldy.

Aqparat jáne qoǵamdyq damý mınıstrligi bılik pen qoǵam arasyndaǵy dıalogty nyǵaıtý, qazaqstandyq BAQ-tardyń básekelestigin arttyrý jáne medıa keńistigin retteý máseleleriniń zamanǵa saı jańa tásilderi týraly keńinen baıandady.

Al qazaqstandyq medıa-qoǵamnyń jáne Internet-qaýymdastyqtarynyń ókilderi áleýmettik jelilerdiń buqa­ralyq aqparat quraldaryna balama retinde artyp kele jatqan róline nazar aýdardy. Búgingi tańda áleýmettik jeliler halyq úshin eń qolaıly kom­mýnıkasııa quraly bolyp otyr. Sony­men qatar onyń teris áseri bar ekeni ras. Osyǵan qaraı turaqsyzdyq týyn­da­tatyn jalǵan aqparattar másele­sine de mán berildi. Atalǵan baǵyt­ta Sarapshylyq keńes medıa-qoǵamdas­tyq­tyń aqparatty jasaý jáne taratý máselesinde jaýapkershilikterin kóterýge shaqyrdy.

Qaýipsizdik Keńesiniń hatshysy Qal­muhanbet Qasymov Qazaqstannyń damý jolyndaǵy kúrdeli tarıhı kezeńinde memleketke jáne qoǵamdyq ınstıtýttarǵa birlesip aqparattyq keńistiktiń turaqty damýyn qamtamasyz etý, syrtqy teris yqpaldarǵa jol bermeý máseleleri mańyzdy ekenin atap ótti. Sarapshylyq keńestiń qory­tyndysy boıynsha jetekshi mamandar aqpa­rattyq qaýipsizdik salasyndaǵy mem­lekettik saıasatty jetildirýge ba­ǵyt­talǵan usynystar keshenin py­syq­tady.