Jańǵyrýdyń jańa kezeńinde áleýmettik salany jańǵyrtýdyń mańyzdylyǵyn eskergen Prezıdent osy saladaǵy basym baǵyttarǵa mán berý qajettigin óte oryndy aıtyp ótti. Bilim berý sapasy jastar arasynda jumyssyzdyqtan aıqyn kórinedi. Sonyń ishinde bilikti pedagog kadrlardyń tapshylyǵyn joıý maqsatynda «Dıplommen – aýylǵa!» baǵdarlamasynyń aıasyn keńeıtip, jumysty jańa deńgeıde jalǵastyrý qajettigin Qasym-Jomart Toqaev basa aıtty.
Jastardy jumyspen qamtyp, olarǵa áleýmettik qoldaý kórsetetin bul baǵdarlama Batys Qazaqstan memlekettik ýnıversıtetinde oń nátıje berip keledi. 2015 jyldan beri 560-tan asa túlegimiz osy baǵdarlama boıynsha jumysqa ornalasty. Túlekterdi jumyspen qamtý úshin jergilikti aýdan ákimdikterimen eki jaqty memorandýmdar jasap, máseleni bolashaqta da basa nazarda ustaıtyn bolamyz.
El Prezıdenti óz túlekterin jumyspen qamtý jaǵynan elimizdegi JOO-lardyń jartysy ǵana 60 paıyzdyq deńgeıge qol jetkizip otyrǵanyn aıtty. Iá, bul óte mańyzdy másele. Bilim jáne ǵylym mınıstrligi bilim sapasyn qamtamasyz etý maqsatynda talapkerler men stýdentterdiń múddelerin qorǵaý úshin buǵan deıin de JOO-nyń qyzmetine jospardan tys tekserýler júrgize bastaǵan edi.
О́tken oqý jylynda ýnıversıtetimizdi 1348 túlek bitirdi. Búgingi tańda osy túlekterdiń 65%-y jumyspen qamtylyp otyr. Árıne pedagogıkalyq mamandyqtar boıynsha bitirgen túlekterdiń jumysqa ornalasý kórsetkishi tehnıkalyq mamandyqtarmen salystyrýǵa kelmeıdi. Degenmen jas pedagog mamandardy jumysqa ornalasý kórsetkishin joǵary deńgeıge jetkizý maqsatynda jumyla eńbek etýimiz qajet. Buǵan 2020 jyldan bastap muǵalimderdiń jalaqysy 25 paıyzǵa ósetindigi týraly búgingi qýanyshty habar da sep bolary anyq. Endi «Pedagog mártebesi» týraly zań jobasy da maquldanyp, bekitilýin kútýdemiz.
Nurlan SERǴALIEV,Mahambet О́temisuly atyndaǵy BQMÝ rektory