Erteń Tegeranda (Iran) voleıboldan 20-shy Azııa chempıonaty bastalady. Qazaqstan qurlyqtyq chempıonatyn Úndistan quramasymen kezdesýden bastaıdy. Týrnırge tórt topqa bólingen 16 komanda qatysady. Bul týraly olympic.kz habarlady.
Eki jyl aldyńǵy jeńistiń arqasynda bizdiń voleıbolshylar ekinshi sanyn alyp, Qytaı, Úndistan jáne Oman quramalarymen «S» tobyna tústi.
Basqa toptar kelesideı bólindi: A toby: Iran (5), Avstralııa (8), Katar, Shrı-Lanka;
V toby: Japonııa (1; 2017 Azııa chempıondary), Qytaı Taıbeı (7), Taıland, Gonkong (Qytaı);
D toby: Ońtústik Koreıa (3), Indonezııa (4), Kýveıt, Pákistan. Qazaqstan quramasy 13 qyrkúıekte Úndistan komandasymen, 14-i kúni Omanmen, 15-i Qytaımen oınaıdy. Týrnır 21 qyrkúıekke deıin jalǵasady.