Prezıdent Qasym-Jomart Toqaev agroónerkásip keshenin damytýǵa kedergi keltirip otyrǵan birqatar túıtkildi máselelerdi atady. Bul týraly Qazaqstan Prezıdentiniń baspasóz hatshysy Berik Ýálı Feısbýktegi paraqshasynda jazdy.
«Agroónerkásip keshenin damytýǵa arnalǵan qazirgi memlekettik baǵdarlama 10 jyl ishinde osy salany ártaraptandyrýǵa múmkindik berdi. Degenmen, agroónerkásip keshenin damytýǵa kedergi keltirip otyrǵan birqatar túıtkildi máseleler bar. Mysaly, bul saladaǵy eńbek ónimdiligi aıtarlyqtaı az jáne ónimdi óńdeý deńgeıi tómen. Sondaı-aq otandyq agrosektorda ozyq tehnologııanyń múmkindikterin paıdalaný jumysy júıeli jolǵa qoıylmaǵan. Aldaǵy ýaqytta osy jáne basqa da máselelerdi sheshý úshin birqatar naqty sharalar qabyldaýymyz kerek», dedi Qasym-Jomart Toqaev.